SpeedMe պորտալի փորձագետները կազմել են երկրորդային ռուսական շուկայի ամենահուսալի ավտոմեքենաների վարկանիշային ցուցակ, փոխանցում է Life-ը։
Վարկանիշային ցուցակը գլխավորում է Hyundai Solaris-ը։ Նրա տեխնիկական հագեցվածությունը թույլ է տալիս դրանով անցնել շուրջ 300 000 կիլոմետր։
2-րդ հորիզոնականում ֆրանսիական Peugeot-508-ն է։ Այս մոդելի օգտին է խոսում դիզելային շարժիչը, որն ավելի հուսալի է, քան բենզինայինը։ Փորձագետները նշում են նաեւ ճապոնական արտադրության Aisin որակով ավոտմատ փոխանցման տուփը։
Եռյակը փակում է Volkswagen Polo-ն՝ մեխանիկական փոխհաղորդակով եւ 1,6 լիտր ծավալով շարժիչով։ Ապա հաջորդում են Volkswagen Jetta-ն եւ Kia Sorento Prime քրոսովերը։