Հայաստանում Ռուսաստանի ԱԴԾ Սահմանապահ վարչության աշխատակիցները բռնել են պետական սահմանը հերթական խախտողին:
Հայաստանում ՌԴ ԱԴԾ Սահմանապահ վարչության մամուլի ծառայությունից հայտնում են, որ որ Արտաշատի սահմանապահ ջոկատի տեղամասում ռուս սահմանապահները տղամարդու են բռնել, որն ապօրինի հատել է Արաքս գետով անցնող հայ-թուրքական սահմանը:
Նախնական ստուգումներով պարզվել է, որ սահմանախախտը Բանգլադեշի քաղաքացի է:
Օրենսդրությամբ սահմանված կարգով նրան փոխանցել են Հայաստանի իրավապահ մարմիններին:
Ներկայումս անցկացվում են անհրաժեշտ համալիր միջոցառումներ տեղի ունեցածի բոլոր հանգամանքները պարզելու համար:
Սահմանի խախտման նախորդ դեպքը գրանցվել էր անցյալ շաբաթ:
Հայաստանում ռուս սահմանապահները թուրք հետախույզի են բռնել
