Հյուսիսային Կորեան անհրաժեշտ քայլեր չի ձեռնարկել ապամիջուկայնացման համար՝ չնայած հունիսի 12-ին Սինգապուրում ԱՄՆ նախագահ Դոնալդ Թրամփի եւ Հյուսիսային Կոերայի առաջնորդ Կիմ Չեն Ընի միջեւ ձեռք բերված պայմնավորվածությանը: Այս մասին Fox News-ին տված հարցազրույցում հայտարարել է Սպիտակ տան՝ ազգային անվտանգության հարցերով խորհրդական Ջոն Բոլթոնը:
Նա նշել է, որ ԱՄՆ պետքարտուղար Մայք Պոմպեոն պատրաստ է վերադառնալ Հյուսիսային Կորեա՝ Կիմ Չեն Ընի հետ հերթական հանդիպման համար: «Մեզ հռետորաբանություն պետք չէ. մեզ Հյուսիսային Կորեայի՝ ապամիջուկայնացմանն ուղղված քայլերն են պետք»,- ասել է Բոլթոնը: Բոլթոնը պնդում է, որ Միացյալ Նահանգները հավատարիմ են Թրամփի եւ Կիմ Չեն Ընի հանդիպման արդյունքներով ընդունված սինգապուրյան հռչակագրին: Սակայն «Հյուսիսային Կորեան քայլեր չի ձեռնարկել, որոնք, մեր կարծիքով, անհրաժեշտ են ապամիջուկայնացման համար», - ասել է Բոլթոնը՝ հավելելով, որ պատժամիջոցների մեղմացում չի նախատեսվում: