Ովքեր են ստորագրել Քոչարյանի խափանման միջոցը փոխելու համար. ՀՀԿ-ն հրապարակեց ցուցակը

Հայաստանի Հանրապետական կուսակցությունը հրապարակել է այն պատգամավորների անունները, որոնք ստորագրել են ՀՀ երկրորդ նախագահ Ռոբերտ Քոչարյանի խափանման միջոց կալանքը փոփոխելու միջնորդության համար ներկայացված երաշխավորության տակ։

Հայտարարության մեջ նշվում է․

«ՀՀ 2-րդ նախագահ Ռոբերտ Քոչարյանի խափանման միջոցը փոխելու վերաբերյալ՝ Գլխավոր դատախազին ուղղված միջնորդությունը ստորագրած «ՀՀԿ» խմբակցության պատգամավորների ինքնությունը պարզելու փորձերն առանձին լրատվամիջոցներում վերածվեցին անհարկի շահարկումների: Յուրաքանչյուր պատգամավոր ինքն է որոշում, թե երբ և ինչ պայմաններում հրապարակայնացնել իր՝ այս կամ այն հասարակական նշանակություն ունեցող փաստաթղթի տակ ստորագրելու փաստը:

Վերահաստատելով թե՛ մեր, թե՛ ՀՀ 2-րդ նախագահի գրասենյակի ներկայացուցիչների կողմից արված այն հայտարարությունը, որ նշված ցուցակն իրենից որևէ գաղտնիք չի ներկայացնում՝ այժմ հրապարակում ենք «ՀՀԿ» խմբակցության կողմից ստորագրած պատգամավորների անունները՝

1.Բաբլոյան Արա

2. Բաղդասարյան Վահրամ

3. Շարմազանով Էդուարդ

4. Հովհաննիսյան Արփինե

5. Մելիքյան Գագիկ

6. Հարությունյան Վահան

7. Հակոբյան Միհրան

8. Աճեմյան Կարինե

9. Բաղդասարյան Ջեմմա

10. Հասանով Կնյազ

11. Միխայլով Արսեն

12. Աշոտյան Արմեն