Բլոգեր Վլադիսլավ Մոսեսովը կոչ է արել ԶԼՄ-ներին դադարել հրահրել հայերի եւ ադրբեջանցիների միջեւ ատելությունը: «Ողջ ճշմարտությունն Ադրբեջանի մասին. հակամարտության պատմությունը» անվամբ տեսաուղերձում բլոգերը պատմում է, թե ինչպես էր նա ստիպված փախչելով փրկվել հատուկ ծառայություններից՝ Ադրբեջան այցելելու համար, իր այցին հետեւած արձագանքի, սպառնալիքների մասին, հիշում է բլոգեր Ալեքսանդր Լապշինի ձերբակալության ողբերգական պատմությունը եւ նրա դեմ մահափորձը ադրբեջանական բանտում:
«Բելառուսում ադրբեջանական սփյուռքի կազմակերպություններն ասել են, որ տեսագրության մեջ որեւէ վատ բան չկա»,- ասում է բլոգերը՝ միաժամանակ նշելով, որ Ադրբեջանի պաշտոնական իշխանությունները «ոչինչ չունեն իր դեմ առաջադրելու»: «Դուք ինքներդ անգամ չգիտեք, թե ինչում եմ ես «մեղավոր»: «Խնդիրն իմ ազգության մեջ է»,- վստահ է Մոսեսովը:
«Նախկինում ես չէի կարող անգամ պատկերացնել, որ երկրներում այդպիսի զանգվածային ազգայնական քարոզչություն է տարվում», - նշում է բլոգերը՝ հիշեցնելով աղմկահարույց ֆիլմը, որտեղ երեխաներին մանկապարտեզում պատմում են, որ ամենագլխավոր թշնամին հայերն են:
«Մարդիկ, ովքեր հարձակվում են ինձ վրա, կա՛նգ առեք, վերլուծե՛ք. դուք ինքներդ շատ լավ գիտեք, թե ինչ է ձեզ մոտ կատարվում», - ասում է բլոգերը:
«Ադրբեջանը մեծ գումարներ է ներդնում զբոսաշրջության մեջ: միայն թե փողով հեղինակություն չես գնի, ուստի նրանք ինձ հետ զգույշ են»,- նշում է Մոսեսովը:
Նա հատկապես դիմել է ադրբեջանական լրատվամիջոցներին՝ կոչ անելով դադարել կրկնել պաշտոնական ցնորքը: «Պետք է չէ ոչնչացնել մարդկանց ուղեղը: Մեկ այլ կրկես ադրբեջանացի բլոգերներն են»,- ասում է բլոգերը՝ հավելելով, որ շատերն անգամ ուզում են հասկանալ, թե ինչ է իրականում տեղի ունենում, սակայն կրկնում են ինչ-որ տեղ լսածը:
«Լավ պահ է: Շփման մեջ մարդիկ երկու կողմերից էլ հիշում են պահեր, երբ օգնել են միմյանց: Հիշում են հաճելի պահեր: Հոտը, որի ուղեղը լվացված է, լավ բան չի հիշի: Նորմալ մարդիկ լավն են հիշում: ԶԼՄ-ներ, դադարեք պոկել արտահայտությունները համատեքստից: Դուք ավելի ու ավելի շատ եք բենզին լցնում կրակի մեջ: Ատելություն եք հրահրում: Գրողի ծո՛ցը բացասականը, գրողի ծո՛ցը քաղաքականությունը եւ գրողի ծո՛ցը պատերազմները», - եզրափակում է Վլադիսլավ Մոսեսովը:
