Իրանի մայրաքաղաք Թեհրանում «Էնգելաբ» սպորտային համալիրում պայթյունի հետեւանքով երեք աշխատող է զոհվել, հաղորդում է IRNA գործակալությունը՝ վկայակոչելով հրշեջ բաժանմունքը:
Տեղեկացվում է, որ պայթյունը տեղի է ունեցել չորեքշաբթի գիշերը տեղադրման վայրում, աշխատողներն այդ պահին գտնվում էին կաթսայատանը:
Թեհրանի հրշեջ բաժանմունքի ներկայացուցիչ Ջալալ Մալեքի խոսքով՝ պայթյունը շենքը չի վնասել եւ հրդեհ չի առաջացրել: Միջադեպի պատճառը հետաքննվում է:
«Էնգելաբ» սպորտային համալիրն օրական 10 հազար այցելու է ընդունում, նշում է գործակալությունը:
