News
Լրահոս
News
Չորեքշաբթի
Հուլիս 28
Տեսնել լրահոսը


Նոր Զելանդիանի Հայկական ազգային կոմիտեն երկրի վարչապետ Ջասինդա Արդերնին կոչ է արել շտկել Հայոց ցեղասպանության հերքման դիրքորոշումը:

Օգոստոսի 6-ին կայացած մամուլի ասուլիսում Արդերնին հարցրել են Հայոց ցեղասպանության վերաբերյալ կառավարության դիրքորոշման մասին: «Մենք մշտապես ճանաչել ենք Օսմանյան կայսրության անկման տարիներին հայ ժողովրդի ողբերգական մասշտաբային կորուստները: Ճանաչել ենք եւ շարունակում ենք դա անել, սակայն երբ բանը հասնում է տերմինաբանության հարցերին, ապա դրանք խնդիրներ են, որոնք մենք թողել ենք կողմերի հաշտության գործընթացին: Սակայն մենք մշտապես ճանաչել ենք կյանքերի զգալի կորուստը»,- հայտարարել է վարչապետը:

Լրագրողը հետեւյալ հարցն է տվել, թե արդյոք կառավարությունն այս դիրքորոշմանը հետեւում է Թուրքիայի հետ հարաբերությունների վատթարացման պատճառով: «Սա ավելի շոտ կապված է այն փաստի հետ, որ մենք խնդիրը թողնում ենք անմիջական կողմերի լուծմանը, որոնք աշխատում են հաշտության գործընթացի վրա: Դե, իհարկե, Նոր Զելանդիան մշտապես ընդունել է, որ տեղ են գտել մարդկային մեծ զոհեր»,- պատասխանել է նա:

Նոր Զելանդիայի Հայկական ազգային կոմիտեի նախագահ Հուրի Ելդիզյանը վարչապետի դիրքորոշումն «անընդունելի» է համարել Նոր Զելանդիայի հայկական, հունական եւ ասորական համայնքների  համար, որոնցից շատերը ցեղասպանությունը վերապրածների ժառանգներն են:

«Մենք վարչապետ Արդերնին կոչ ենք անում փոխել իր կառավարության դիրքորոշումը: Մենք անհամբերությամբ ենք սպասում այս հարցով նրա հետ համատեղ աշխատանքին եւ շտկում ենք ակնկալում Հայոց ցեղասպանության վերաբերյալ Նոր Զելանդիայի դիրքորոշման մեջ»,- հայտարարել է նա:

Նշենք, որ այս շաբաթ Նոր Զելանդիայում բացվել է Հայկական ազգային կոմիտեի գրասենյակը: Երկրի խորհրդարանում կցուցադրվի «Ոչնչացնելու մտադրություն» փաստագրական ֆիլմը:

!
Այս նյութը հասանելի է նաև   English, Русский and Türkçe
Տպել
Կարդացեք նաև
Ամբողջը
Եվրոպական խորհրդարանի ֆրանսիացի ու ՀՀ ԱԺ պատգամավորների այցը Ծիծեռնակաբերդի հուշահամալիր
Ամբողջ աշխարհը պետք է ճանաչի Հայոց ցեղասպանությունը…
Ավստրալացի պատգամավոր Քրիսթի ՄքԲեյնը միացել է Ցեղասպանության ճանաչման պահանջին
Ավստրալիայի խորհրդարանի անդամ Քրիսթի ՄքԲեյնը միացել է «Արդարության համատեղ նախաձեռնությանը» սատարող դաշնային...
Եվրոպական խորհրդի նախագահը այցելել է Ծիծեռնակաբերդի հուշահամալիր
Երկօրյա այցով Հայաստան ժամանած Եվրոպական խորհրդի նախագահ Շառլ Միշելը...
Իսրայել Չարնիի նոր գիրքը պատմում է, թե ինչպես է Թուրքիան ստիպել Իսրայելին մերժել Հայոց ցեղասպանությունը
Հրեա գիտնականը կոչ է անում Իսրայելի կառավարությանը ճանաչել ...
Մեծ Բրիտանիայի խորհրդարան է մտցվել Հայոց ցեղասպանության ճանաչման մասին օրինագիծը
Օրինագիծը ներկայացրել է խորհրդարանական Ջոն Սփելարը: Այն կքննարկվի համայնքների պալատում այս տարվա դեկտեմբերի 10-ին:
Ավստրալիայի սենատոր Ռեյչել Սիուերտը խոստանում է ճանաչել հայերի, հույների և ասորիների ցեղասպանությունները
Ավստրալիայի Հայ դատի հանձնախմբի (ՀԱԿ-ՀԱ) գործադիր տնօրեն Հայկ Կայսերյանն ասել է, որ Համատեղ Արդարադատության Նախաձեռնությունը...
Ամենաշատ