Թուրքիայի էներգետիկայի եւ բնական ռեսուրսների նախարար Ֆաթիհ Դենմեզը հայտարարել է, որ «Թուրքական հոսք» գազատարի երկրորդ ճյուղը նախատեսվում է շահագործման հանձնել 2019 թվականի վերջին, հայտնում է «ՌԻԱ Նովոստի»–ն։
Նա նշել է, որ «Թուրքական հոսք»–ի առաջին ճյուղի ծովային հատվածի շինարարական աշխատանքները ավարտվել են։
«Այժմ աշխատանքներ են իրականացվում ցամաքում։ «Գազպրոմ»–ը շարունակում է ծովային հատվածի երկրորդ ճյուղի անցկացման աշխատանքները։ Շուրջ 50 տոկոսը ավարտվել է։ «Գազպրոմ»–ը մեզ հայտնել է ժամկետը՝ 2019 թվականի դեկտեմբերի 31-ը»,–ասել է Դենմեզը։