Առնվազն ութ մարդ ՄԱԿ-ի՝ գենդերային հավասարության եւ կանանց իրավունքների եւ հնարավորությունների ընդլայնման հարցերով ավագ խորհրդատու Ռավի Կարկառուին մեղադրել է սեռական ոտնձգությունների համար, հայտնել են Newsweek պարբերականի 5 աղբյուրները, փոխանցում է «Գազետա»-ն:
ՄԱԿ-ում աղբյուրը հայտնել է, որ այժմ կազմակերպությունը «պետք է աշխատանք տանի»՝ իր մշակույթը փոխելու եւ վստահությունը վերականգնել համար: Մասնավորապես, նշվում է, որ սեռական ոտնձգությունների գործով Կարկառուի նկատմամբ ներքին հետաքննությունը սկսվել էր 2017-ի դեկտեմբեր ամսին: Պարբերականը հավելում է, որ 13 ամիս հետաքննությունից հետո նրա դեմ որեւէ մեղադրանք չի առաջադրվել: Մինչ այդ նրա անունը չէր հիշատակվում: Հուլիսին ՄԱԿ-ում նշում էին, որ աշխատակիցը, ում նկատմամբ քննություն է իրականացվում, «վարչական արձակուրդի մեջ է», ընդ որում, նա շարունակում է աշխատավարձ ստանալ:
ՄԱԿ-ի պաշտոնական ներկայացուցիչները հրաժարվել են մեկնաբանություններից, սակայն հաստատել են, որ հետաքննությունը շարունակվում է:
ՄԱԿ-ի՝ գենդերային հավասարության եւ կանանց իրավունքների եւ հնարավորությունների ընդլայնման բաժինը կազմակերպության ամենաերիտասարդ կառույցն է: Այն որպես բաժին առանձնացվել էր 2011 թվականին:
Հետաքննությանը մոտ կանգնած չորս աղբյուրները գտնում են, որ Կարկառան անխոցելի էր բաժնի ղեկավարության հետ իր սերտ հարաբերությունների շնորհիվ, ուստի ենթադրյալ զոհերը լուռ էին մնում վրեժխնդրության վախի պատճառով: