Ադրբեջանի քաղաքացիական հասարակության ներկայացուցիչները իշխանություններից պահանջում են ազատ արձակել քաղբանտարկյալներին։
contact.az–ը հաղորդում է, որ «Համերաշխություն հանուն արդարության» կոմիտեի անդամները կոչ են արել երկրի իշխանություններին լուծել քաղբանտարկյալների խնդիրը, թուլացնել հասարակական լարվածությունը եւ վերացնել միջազգային հանրության քննդատությունը։
«Մենք մտահոգված ենք բոլոր քաղբանտարկյալների ճակատագրով, սակայն հատկապես անհանգստություն է առաջացնում ակտիվիստ Իլկին Ռուստամաձեի ճակատագիրը, որը արդեն 6-րդ տարին է ազատազրկման մեջ է գտնվում, որտեղ ճնշման է ենթարկվում»,–ասված է հայտարարությունում։
Հայտարարության հեղինակները կոչ են անում ազատել «Ռեալ» կուսակցության առաջնորդ Իլգար Մամեդովին՝ արդարացնելով նրան. «Միայն այդ քայլով իշխանությունը կարող է մաքրել այն խայտառակությունը՝ կապված Մամեդովի վեցամյա անհիմն ու անօրինական բանտարկության հետ, որը հաստատվել է ՄԻԵԴ երկու որոշումներով»։
Փաստաթղթի հեղինակները կոչ են անում ազատել նաեւ առողջապահության նախկին նախարար Ալի Ինսանովին, որը 11–ամյա ազատազրկումից հետո ստացել է եւս 7 տարի, ինչպես նաեւ պահանջում են ազատ արձակել քաղբանտարկյալներ Ֆիկրետ Ֆարամազօղլուն, Ռաշադ Ռամազանովին, Մամեդ Իբրահիմին, Ասիֆ Յուսիֆլիին եւ այլք։
Կոմիտեն քննադատել է դատապարտված բլոգեր Մեհման Հուսեյնովին մահացած մորը հրաժեշտ տալը թույլատրելը մերժելը։
Կոմիտեն դատապարտել է նաեւ մի շարք կայքերի արգելափակումը։
