Հայաստանում ծրագրավորմամբ հետաքրքվողները շատ են։ Սակայն նրանց մեծ մասը չգիտի, թե ինչից է պետք սկսել։ Այս հարցում բոլոր խորհրդատուները համաձայն են մեկ բանում՝ նախքան սկսելը պետք է կողմնորոշվել, թե ինչպիսի խնդիր եք ցանկանում լուծել։ Դրանից հետո արդեն մնացյալը տեխնիկական հարցեր են։ Սա այն հարցն է, որին պետք է պատասխանեք Դուք, իսկ մենք կփորձենք օգնել ձեզ տեխնիկականի ընտրությունում։
Վեբ ծրագրավորում
Եթե ցանկանում եք զբաղվել վեբ ծրագրավորմամբ, ապա front end-ի համար ձեզ պետք կգա HTML+CSS+JavaScript: Գործնականում պետք կգա նաև CSS և JavaScript Framework-երից` Bootstrap 4-ը, ReactJS-ը։ Իսկ Back end-ն ինչ-որ տեղ ճաշակի հարց է։
Կարելի է յուրացնել PHP, Python, Ruby, Java, JavaScript և այլ ծրագրավորման լեզուներ։
Պարտադիր պետք է նաև ծանոթանաք տվյալների բազայի հետ: Oracle, MySQL, PostgreSQL: Այս բազմազան անունները թող ձեզ հուսահատության մեջ չգցեն։ Հիշեք, որ ամենադժվարը ծրագրավորման առաջին լեզուն սովորելն է, իսկ մնացածը կրկին «տեխնիկական» հարցեր են։
Խաղերի ստեղծում
Եթե ձեր ընտրությունը կանգ է առել խաղերի ստեղման վրա, ապա պետք է սովորել C++ ծրագրավորման լեզուն։
Հասկացեք, թե որ օպրեացիոն համակարգում այն պետք է աշխատի, սա էլ է կարևոր հարց։ Նաև պետք է կողմնորոշվեք ձեր խաղի համար հարմար խաղային «շարժիչը»։ Օրինակ այժմ բավականին տարածված են սրանք՝ Unity, Unreal Engine, CryEngine։
Desktop և Mobile հավելվածների ստեղծում
Այստեղ ընտրությունը նույնպես մեծ է ու էլի ճաշակի հարց է։ Desktop-ի համար կարելի է վերցնել C, C++, C#, Java, Python։ Android համակարգով աշխատող սմարթֆոնների համար հավելվածներ կարելի է ստեղծել Java, C# և այլ ծրագրավորման լեզուների միջոցով։ Իսկ IOS համակարգի համար պետք կգա Swift լեզուն։ Միանգամից ձեզ ուրախացնեմ այս լուրով։ Օգոստոսի 7–ից Google Play–ում արդեն հնարավոր է Հայաստանից էլ վերբեռնել և վաճառել ձեր կողմից պատրաստված հավելվածները։
Նշենք մի քանի աղբյուրներ, որոնցով կարող եք ինքներդ սովորել նշված լեզուները։
HTML+CSS – https://bit.ly/1F9pJch
JavaScript – https://bit.ly/2M7y8Kq (գիրք)
PHP – https://bit.ly/2vvcfLs (գիրք)
Python – https://bit.ly/2MnIhzn (գիրք)
Ruby – https://bit.ly/1mZAZFd
C++,C#, Java – կարող եք վերցնել Герберт Шилдт -ի գրքերը
C – https://bit.ly/2IRW67w
Հ.Գ. Եվ միշտ հիշեք, որ ամեն–ինչի մասին կարող եք հարցնել ձեր լավագույն բարեկամ Google–ին։
Ալբերտ Դադոյան