«Այսօր Իրանում ռեժիմը բաժանվում է աշխարհից»: Այս մասին Twitter-ի իր միկրոբլոգում գրել է ԱՄՆ պետքարտուղար Մայք Պոմպեոն:
«Մենք կոչ ենք անում մեր դաշնակիցներին եւ գործընկերներին միանալ ԱՄՆ-ին եւ Իրանի ղեկավարությանը զրկել իրանցի ժողովրդին ճնշելու եւ ահաբեկչություն հրահրելու միջոցներից», - ասել է նա:
Հիշեցնենք, որ օգոստոսի 6-ին ԱՄՆ-ն վերսկսել է Իրանի դեմ պատժամիջոցների առաջին փաթեթը: Նոյեմբերի սկզբին նախատեսվում է Իրանի դեմ երկրորդ՝ նավթին եւ էներգակիներին ուղղված պատժամիջոցների փաթեթը ներդնել: Վաշինգթոնը փորձում է համոզել երկրներին մինչ այդ հրաժարվել իրանական նավթի ներկրումից:
