Ինդոնեզիական Լոմբոկ կղզու մոտ տեղի է ունեցել 6,1 մագնիտուդով երկրաշարժ, որտեղ օգոստոսի 5-ին տարերքը խլել էր 100-ից մինչեւ մի քանի հարյուր մարդու կյանք, հայտնում է Եվրոպա-Միջերկրածովյան սեյսմոլոգիական կենտրոնը (EMSC), փոխանցում է «ՌԻԱ Նովոստի»-ն:
Երկրաշարժը գրանցվել է UTC ժամանակով 05.25-ին: Ստորգետնյա ցնցումների էպիկենտրոնը տեղակայված է Լոմբոկ կղզում գտնվող Մատարամ քաղաքից 10 կմ հարավ: Երկրաշարժի օջախը 10 կմ խորության վրա է:
Կիրակի Լոմբոկից հյուսիս տեղի էր ունեցել հզոր 7 մագնիտուդով երկրաշարժ՝ հաջորդող 5,4 եւ 4,3 մագնիտուդով հետցնցումներով:
Ինչպես հայտնել է տեղական «Անտարա» գործակալությունը, կիրակի երկրաշարժին զոհ էր գնացել 347 մարդ: Ըդ որում՝ երկրի Տարերային աղետների հետեւանքների վերացման հարցերով ազգային գործակալության ներկայացուցիչը հայտնել էր 131 զոհի մասին:
