News
Լրահոս
News
Կիրակի
Հոկտեմբեր 20
USD
476.34
EUR
530.17
RUB
7.45
ME-USD
0.07
Տեսնել լրահոսը


Մարտի 1-ի գործով ՀՀ նախկին փոխվարչապետ Արմեն Գեւորգյանին մեղադրանք առաջադրելու համար բավարար ապացույցներ են եղել: Այս մասին այսօր՝ օգոստոսի 9-ին, Կառավարության նիստից հետո լրագրողների հետ զրույցում ասաց Հատուկ քննչական ծառայության պետ Սասուն Խաչատրյանը:

Նա պնդեց, որ Գեւորգյանին «Վիկիլիքս»–ի հրապարակման հիման վրա մեղադրանք չի առաջադրվել:

«Վիկիլիքս»–ի հրապարակման հիման վրա անձին չի կարող մեղադրանք առաջադրվել։ Անձին որպես մեղադրյալ ներգրավվելու հիմքը նրա կողմից հանցանք կատարելու մասին վկայող ապացույցների բավարար համակցությունն է։ Քրեական դատավարության օրենսգրքով թվարկված ապացույցների ցանկից դուրս այլ փաստական տվյալ չի կարող դրվել մեղադրանքի հիմքում»,– նշեց նա՝ այլ մանրամասներ չհաղորդելով:

Անդրադառնալով Սահմանադրական դատարանի նախկին անդամ Վալերի Պողոսյանի պնդմանը, որ իր անվտանգությանը վտանգ է սպառնում, Սասուն Խաչատրյանը նշեց. «Վալերի Պողոսյանի անվտանգության հետ կապված որևէ խնդիր չեմ տեսնում, անհրաժեշտության դեպքում վարույթն իրականացնող մարմինը պատրաստ է ապահովել նրա ավտանգությունը՝ վերջինիս դիմումի հիման վրա»։

Հիշեցնենք, որ արդարադատության իրականացմանը խոչընդոտելու դեպքի առիթով ն ՀՀ հատուկ քննչական ծառայությունում ՀՀ քրեական օրենսգրքի 332-րդ հոդվածի 3-րդ մասի հատկանիշներով հարուցվել է քրեական գործ, որը միացվել է 2008 թվականի մարտի 1-ից 2-ն ընկած ժամանակահատվածում Երևան քաղաքում տեղի ունեցած իրադարձությունների վերաբերյալ ՀՀ հատուկ քննչական ծառայությունում  քննվող քրեական գործին: Նույն օրը հիշյալ գործի շրջանակում Արմեն Գևորգյանին ՀՀ քրեական օրենսգրքի 332-րդ հոդվածի 3-րդ մասով մեղադրանք է առաջադրվել այն բանի համար, որ նա, 2006 թվականի փետրվարից մինչև 2008 թվականի ապրիլի 21-ը զբաղեցնելով ՀՀ նախագահի աշխատակազմի ղեկավարի պաշտոնը, օգտագործելով իր պաշտոնեական դիրքը, արդարադատության իրականացմանը խոչընդոտելու նպատակով միջամտել է դատարանի գործունեությանը:

Ավելի ուշ ՀՔԾ պետ Սասուն Խաչատրյանը «բացահայտել էր տեղեկատվության աղբյուրը»: «Ըստ Wikileaks պորտալի՝ Սահմանադրական դատարանի դատավոր Վալերի Պողոսյանի վրա ճնշում է գործադրվել: Նա գանգատվել է, որ իր վրա ճնշում են գործադրել երկրորդ նախագահ Ռոբերտ Քոչարյանի աշխատակազմից, որպեսզի ինքը որոշում ընդունի Սերժ Սարգսյանի օգտին: Այս հրապարակումը հաստատում է ստացել»,- հայտարարել էր ՀՔԾ ղեկավարը:

ՀՔԾ-ն մանրամասներ է ներկայացրել Արմեն Գեւորգյանի մեղադրանքի մասին. նրա գործը միացվել է Մարտի 1-ի գործին

 

 

!
Այս նյութը հասանելի է նաև   English and Türkçe
Տպել
Կարդացեք նաև
Ամբողջը
Արթուր Դավթյանը եւ Սասուն Խաչատրյանը քրեորեն հետապնդելի արարք են կատարել. Վիտալի Բալասանյան
Մենք հայտնի գաղտնալսումները լսեցինք, հանձնարարությունները լսեցինք...
Թող առերեսում իրականացնեն Ալիկ Սարգսյանի և նրա դեմ ցուցմունք տված անձանց միջև. պաշտպան
ՀՀ նախկին ոստիկանապետ Ալիկ Սարգսյանը ՀՔԾ–ի կողմից իրեն մեղադրանք առաջադրելուց հետո ցուցմունք չի տվել...
Արտակ Դավթյանը 2008-ի մարտի 1-ի իրադարձություններին զինվորականների մասնակցության առնչությամբ մնում է նույն կարծիքին
«Կան քրեական գործեր, դատական գործընթացներ են ընթանում...
Դատարանը չվերացրեց Արմեն Գեւորգյանի խափանման միջոցը. նա չի կարող լքել երկիրը
Աննա Դանիբեկյանը քիչ առաջ հրապարակեց որոշումը...
Պաշտպանը միջնորդեց վերացնել Արմեն Գևորգյանի խափանման միջոցը, թույլատրել նրան մեկնել Ավստրիա
Գործով մեղադրող դատախազ Գևորգ Բաղդասարյանը և տուժող կողմի ներկայացուցիչներն առարկեցին ներկայացված միջնորդության դեմ...
Մտածում էի ինքնաբացարկ ներկայացնելու համար ձեզ դրամական փոխհատուցում առաջարկեմ. Խաչատուրովի պաշտպանը՝ դատավորին
Միհրան Պողոսյանի խոսքով՝ դատավոր Աննա Դանիբեկյանը այս գործը վարույթ ընդունելիս քննարկման առարկա չի դարձրել Յուրի Խաչատուրովի...
Ամենաշատ