Ղրղզստանի Էկոնոմիկայի նախարարությունը միջազգային փորձագետների օգնությամբ կգնահատի հսկողությունից դուրս գտնվող հատվածի ծավալը եւ այն կրճատելու ծրագիր կմշակի, փոխանցում է Vesti-ն:
Ղրղզստանի Էկոնոմիկայի նախարարությունը Եվրոպական վերակառուցման եւ զարգացման բանկի հետ ստվերային տնտեսության համալիր հետազոտություն կանցկացնի:
Հետազոտությունն առանձնապես արդիական է դարձել՝ կապված երկրի ԵՏՄ անդամակցության եւ շուկայի կառուցվածքի փոփոխության հետ: «Շուկայի կոնյունկտուրայի փոփոխության հետ կապված գոյություն ունի ձեռնարկատերերի դեպի ստվերային հատված հեռանալու խնդիր, ինչի հաղթահարումը կարեւորագույն խնդիր է համարվում»,- պարզաբանել են Ղրղզստանի Էկոնոմիկայի նախարարությունից:
Հետազոտության արդյունքներով գերատեսչությունը մշակում է 2019-2020 թվականների միջոցառումների ծրագիր, որոնք թույլ կտան ստվերային հատվածը կրճատել:
Ազգային վիճակագրական կոմիտեի տվյալների համաձայն՝ Ղրղզստանում 2015 թվականին ստվերային տնտեսությունը կազմել է 23,8 տոկոս: Իսկ 10 տարի առաջ մակարդակը 2 անգամ բարձր էր՝ 53 տոկոս:
