Եվրոպական միությունը կոչ է անում ԱՄՆ–ին կրճատել բյուրոկրատիզմը եւ հեշտացնել սեղմված բնական գազի արտահանման կանոնները, եթե Վաշինգթոնը ցանկանում է, որ ԵՄ երկրները կարողանան գազ գնել, հայտնում է AP–ն։
Նախագահ Դոնալդ Թրամփը եւ Եվրահանձնաժողովի նախագահ Ժան Կլոդ Յունկերը անցած ամիս պայմանավորվել են բանակցությունների մեկնարկի մասին, որոնք ուղղված կլինեն արդյունաբերական ապրանքների (ոչ ավտոմեքենաների) «զրոյական սակագներին» եւ «զրոյական սուբսիդիաներին»։
ԵՄ–ն նաեւ համաձայնել է ԱՄՆ–ից սեղմված գազ ներկրելու համար ավելի շատ տերմինալներ կառուցել։
Յունկերը օգոստոսի 9-ին հայտարարել էր, որ եթե ամերիկյան գազը բավականաչափ էժան լինի, ապա դա կօգնի ԵՄ–ին դիվերսիֆիկացնել էներգիայի մատակարարումները եւ հաղթահարել կախվածությունը ՌԴ–ից։