Եմենի Սաադա քաղաքում ավտոբուսի վրա հարձակման հետեւանքով մինչեւ 15 տարեկան առնվազն 29 երեխա մահացել է, 30 երեխա վիրավորվել է, հաղորդում է «ՌԻԱ Նովոստին», հղում անելով Twitter-ում Կարմիր խաչի միջազգային կոմիտեի (ԿԽՄԿ) հայտարարությանը:
«Մեր բժշկական խումբը ստացել է 29 երեխայի մարմին, նրանք բոլորը մինչեւ 15 տարեկան են եւ 48 վիրավորների, որոնցից 30-ը երեխաներ են», - ասվում է հայտարարության մեջ:
Միեւնույն ժամանակ, հուսիթների վերահսկողության տակ գտնվող «Ալ-Մասիրա» հեռուստաալիքը հղում անելով Սանայում ապստամբներին պատկանող առողջապահության նախարարությանը տեղեկացրել է, որ Սաադա քաղաքում երեխաներ տեղափոխող ավտոբուսի վրա հարձակումների հետեւանքով զոհերի թիվը հասել է 47-ի, եւ 77 մարդ վիրավորվել է: