News
Լրահոս
News
Կիրակի
Հուլիս 12
USD
486.73
EUR
549.62
RUB
6.84
ME-USD
0.02
Տեսնել լրահոսը

Տեղատարափ անձրեւները Աջարիայի բնակիչների եւ հյուրերի համար խնդիրներ են ստեղծել: Բաթումիում, Քոբուլեթիում եւ Մախինջաուրի բնակավայրում ավտոճանապարհները, փողոցները եւ բնակելի տները ջրածածկ են եղել, փոխանցում է «Նովոստի-Գրուզիան»:

Աջարական հեռուստատեսության տեղեկություններով՝ անձրեւը սկսվել է այսօր առավոտյան:

Եղանակային վատ պայմանների պատճառով Բաթումիում ավտոտրանսպորտի երթեւեկությունը սահմանափակվել է, ջրածածկ են եղել շենքերի առաջին հարկերում գտնվող շատ խանութներ: Վաղ առավոտից քաղաքի փողոցներում աշխատում են քաղաքային ծառայությունները, որոնք զբաղված են դրենաժային համակարգը մաքրելով: Կեսօրին փողոցներում ջրի մակարդակը սկսել է նվազել: Խնդիրների հետ, որոնց բախվել է բնակչությունը, ծանոթացել է Բաթումիի քաղաքապետ Լաշա Կոմախիձեն: Չնայած դրան, Աջարիայի մայրաքաղաքի բնակիչները իշխանություններին մեղադրում են անգործության մեջ:

Անձրեւի պատճառով լուրջ խնդիրներ են առաջացել Բաթումի-Քոբուլեթի կենտրոնական ավտոմայրուղում: Այնտեղ ստեղծված ավտոմեքենաների խցանումը ձգվել է մի քանի կիլոմետր: Հարյուրավոր մեքենաներ չեն կարողացել երթեւեկությունը շարունակել, քանի որ մայրուղու առանձին հատվածներ նույնպես ջրի տակ են հայտնվել:

Ջրհեղեղի հետեւանքների դեմ են պայքարում նաեւ հանգստավայրային Քոբուլեթիի բնակիչները: Այստեղ անձրեւից հետո ջրածածկ են եղել տների բակերը, նկուղները եւ առաջին հարկերը:

Քոբուլեթիից արտակարգ իրավիճակների կառավարման ծառայություն է ստացվել մոտ 30 կանչ: Քաղաքապետարանի տեղեկացմամբ՝ ստեղծվել է հատուկ շտաբ, որը պայքարում է ջրհեղեղի հետեւանքների դեմ: Ավելին՝ ստեղծվել են հատուկ խմբեր, որոնք պարեկում են քաղաքում:

Լրատվամիջոցների տեղեկություններով՝ հորդ անձրեւների եւ քամու հետեւանքով Քոբուլեթի համայնքի գյուղերում վնասվել են էլեկտրահաղորդման գծերը, տապալվել են մի քանի հենասյուներ: Ընդհանուր առմամբ էլեկտրականությունից զրկվել են մոտ 10 գյուղերի բնակիչները: Էլեկտրաբաշխիչ  ընկերությունների աշխատակիցներն այս պահին աշխատում են խնդիրները լուծելու համար:

Եղանակային վատ պակմանները խնդիրներ են ստեղծել նաեւ Չակվի, Գորգաձեեբի եւ Մախինջաուրի բնակավայրերի ճանապարհներին: Հենց այս բնակավայրերով է անցնում կենտրոնական ավտոմայրուղին: Մախինջաուրիի երկաթուղային կայարանի շենքի մոտ ավտոտրանսպորտի երթեւեկությունը մի քանի ժամով սահմանափակվել է:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
36-ամյա զինծառայողը Կոտայքի մարզում Mercedes-ով բախվել է բետոնե էլեկտրասյանը
Վթարի հետևանքով օպերատիվորեն դեպքի վայր…
Ամերիկացին մոր դագաղում անհայտ կնոջ է հայտնաբերել
75-ամյա Քեթրին Բ. Ուայթի դին պետք է լիներ դագաղի մեջ՝ Alexander Funeral Home-ում, բայց նրա տեղը զբաղեցրել է 91-ամյա Իլիզ Մաքկինիսի դին․․․
Հնդկաստանում ոստիկանները կրակ են բացել տղամարդու ուղղությամբ, ով մեղադրվում է 8 ոստիկանի սպանության մեջ
«ՈՒԱԶ»-ը Հաղարծին գյուղում հետընթացի ժամանակ կողաշրջվել է. 38-ամյա վարորդը տեղում մահացել է
Հուլիսի 9-ին, ժամը 19.30-ի սահմաններում, «ՈւԱԶ» մակնիշի ավտոմեքենան Տավուշի...
«Աջարաբեթ․էյեմ» բուքմեյքերական գլխավոր գրասենյակում ռումբի տեղադրման մասին ահազանգ է ստացվել. ԱԻՆ
Դեպքի վայր են մեկնել ԱԻՆ ՓԾ Երեւան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ, քաղաքացիական…
Ադրբեջանում ԱԳՆ-ի բարձրաստիճան պաշտոնյաներ են ձերբակալվել
Ֆաիք Բաղիրովը եւ Իլհար Ալիեւը ձերբակալվել են արտաքին գործերի նախարարության՝ ավելի վաղ ձերբակալված պաշտոնյաների ցուցմունքների հիման վրա․․․