News
Լրահոս
News
Երկուշաբթի
Հուլիս 22
USD
476.48
EUR
535.52
RUB
7.56
ME-USD
0.17
Տեսնել լրահոսը


ՀՀ երկրորդ նախագահ Ռոբերտ Քոչարյանի խափանման միջոց կալանքը պետք է փոխվի եւ դատարանը կարող է կիրառել ստորագրություն չհեռանալու մասին, եթե մտավախություն ունի՝ նա երկրից կարող է մեկնել: Այս մասին այսօր՝ օգոստոսի 10-ին, նիստից հետո լրագրողների հետ զրույցում ասաց Քոչարյանի պաշտպաներից Արամ Օրբելյանը:

Պաշտպանը նշեց, որ Ռոբերտ Քոչարյանն այսօր ներկա է եղել նիստին եւ տպավորիչ ելույթ է ունեցել՝ ներկայացնելով իր դիրքորոշումը:

«Ակնկալիքները դրական են, կարծում եմ՝ դատարանը պետք է բավարարի մեր բողոքը»,-ասաց նա:

Արամ Օրբելյանը ընդգծեց, որ մեղադրանքի կողմի պնդումները, թե ազատության մեջ գտնվելով Ռոբերտ Քոչարյանը կարող է ազդեցություն գործել, հիմնավորված չեն. «Պարոն Քոչարյանը, լինելով արտերկրում եւ գիտակցելով, որ Միքայել Հարությունյանին մեղադրանք է առաջադրվել եւ չի կարող իրեն էլ մեղադրանք չառաջադրվել, այնուամենայնիվ, ներկայացավ քննչական մարմին: Երբ իրեն մեղադրանք են առաջադրել, էլի չի թաքնվել, ներկայացել է դատարան կալանքի որոշմանը եւ այս ամեն ինչն ապացուցում է, որ նա թաքնվելու խնդիր չուներ»,-ասաց Արամ Օրբելյանը:

Պաշտպանը հավելեց, որ երկրորդ նախագահը պահման պայմաններից չի բողոքում, ունի մարզվելու, զբոսանքի հնարավորություն:

Նշենք, որ Վերաքննիչ  դատարանում ՀՀ երկրորդ նախագահ Ռոբերտ Քոչարյանի կալանավորման որոշման դեմ բողոքի քննությունն ավարտվեց եւ դատարանը հեռացավ խորհրդակցական սենյակ՝ որոշում կայացնելու: Այն կհրապարակվի երկուշաբթի օրը՝ օգոստոսի 13-ին:

Ավելի վաղ NEWS.am-ը հայտնել էր, որ 2008 թվականի մարտի 1-ից 2-ն ընկած ժամանակահատվածում Երեւան քաղաքում տեղի ունեցած իրադարձությունների վերաբերյալ քրգործով ՀՀ երկրորդ նախագահ Ռոբերտ Քոչարյանին, ՀՀ պաշտպանության նախկին նախարար Միքայել Հարությունյանին եւ ՀԱՊԿ գլխավոր քարտուղար Յուրի Խաչատուրովին մեղադրանք է առաջադրվել ՀՀ քրեական օրենսգրքի 300.1-ին հոդվածի 1-ին մասով այն բանի համար, որ նրանք այլ անձանց հետ նախնական համաձայնությամբ տապալել են Հայաստանի Հանրապետության սահմանադրական կարգը:

Միքայել Հարությունյանի նկատմամբ հետախուզում է հայտարարվել, Յուրի Խաչատուրովը 5 մլն գրավի դիմաց ազատ է արձակվել, իսկ Ռոբերտ Քոչարյանը առաջին ատյանի որոշմամբ կալանավորվել է:

!
Այս նյութը հասանելի է նաև   English, Русский and Türkçe
Տպել
Կարդացեք նաև
Ամբողջը
Փաշինյանը տեղյակ է, որ Մարտի 1-ին տանկի թրթուրների տակ ճզմված մարդիկ չեն եղել. Ալումյան
Եթե վարչապետը մայրաքաղաք տանկեր մտնելու հետ կապված հիպերբոլա է…
ԲԴԽ անդամները կհանդիպեն Քոչարյանի գործով դատավորի հետ
Բարձրագույն դատական խորհրդի անդամներն այսօր ժամը 16:00–ին կհանդիպեն...
ՍԴ–ն կասեցրել է Քոչարյանի և դատավոր Գրիգորյանի դիմումների գործով վարույթները և դիմել Վենետիկի հանձնաժողովին
Խորհրդատվական կարծիք ստանալու նպատակով կդիմեն նաև ՄԻԵԴ–ին...
Ռոբերտ Քոչարյանի պաշտպանները դիմել են դատավորներ Արմեն Դանիելյանին եւ Դավիթ Գրիգորյանին
Քոչարյանի պաշտպանները մի քանի անգամ խնդրել են Դավիթ Գրիգորյանին հրատապ նիստ նշանակել, սակայն արձագանք չեն ստացել...
Ռոբերտ Քոչարյանի փաստաբանները վճռաբեկ բողոքներ են ներկայացրել
Վճռաբեկ դատարան դիմելու վերջնաժամկետը լրացել է երեկ...
Վերաքննիչ դատարանը մերժեց Վահագն Հարությունյանի հետախուզման որոշման դեմ բողոքը
Միհրան Պողոսյանը վերաքննիչ դատարանից պահանջում էր բեկանել Երեւանի ընդհանուր իրավասության դատարանի...