News
Լրահոս
News
Չորեքշաբթի
Հունիս 26
USD
477.07
EUR
542.91
RUB
7.61
ME-USD
0.16
Տեսնել լրահոսը


Աղքատության հաղթահարումը կառավարության առաջնահերթություններից է, բայց դա մենք պատկերացնում ենք ոչ միայն մարդկանց սոցիալան աջակություն ցուցաբերելով, այլ՝ քաջալերելով, որպեսզի մարդիկ հնարավորություն ունենան իրենց աշխատանքով աղքատությունը հաղթահարել։ Այդ մասին այսօր՝ օգոստոսի 11–ին, Տավուշի մարզպետարանի աշխատակազմի հետ հանդիպման ժամանակ ասաց վարչապետ Նիկոլ Փաշինյանը, նշելով, որ ակնկալում է, որ Իջեւանի տարածարջանի համայնքների ղեկավարները կներկայացնեն իրենց հաջողությունները, քանի որ իրենց համայնքները չեն խոշորացվել, եւ  «երջանկությունն այստեղ կատարյալ է»։

«Համայնքի ղեկավարներ, խնդրում եմ համեստություն չանեք, եւ ձեր հաջողությունների մասին բարձրաձայնեք, որպեսզի մենք բոլորս տեղեկանանք»,– ասաց վարչապետը։

Դիտավան համայնքի ներկայացուցիչը բարձրացրեց անմխիթար վիճակում գտնվող ճանապարհների խնդիրը, նաեւ նշեց, որ համայնքում  գործող ջերմոցային տնտեսությունները հիմնվել են բարեգործների եւ միջազգային կազմակերպությունների աջակցությամբ, սակայն արդեն այս պահին աջակցության կարիք չունեն, քանի որ այգիներն ու ջերմոցները մշակում են ինքնուրույն։

Փաշինյանը նշեց, որ ճանապարհների եւ ենթակառուցվածքների նորմալ գործունեության ապահովումը Կառավարության խնդիրն է. «Մեր քաղաքականության հիմնական նպատակը պետք է լինի աշխատանքի քաջալերումը, այսինքն, ոչ թե սոցիալական աջակցության, սոցիալական օգնության քաջալերումը, այլ՝ աշխատանքի քաջալերումը։ Շատ ուրախ եմ, որ ձեր համայնքում այսպիսի գործընթացներ են տեղի ունենում, եւ աշխատանքի քաջալերման համար կառավարությունը կձեռնարկի բոլոր միջոցները»։

Անդրադառնալով ճանապարհի կառուցման անհրաժեշտությանը՝ Փաշինյանն ասաց, որ միջոցներ կկենտրոնացվեն ճանապարհներ կառուցելու եւ նորոգելու համար։

«Մարզի հետ կապված ամենակարեւոր առաջնահերթությունը Ջուջեւան– Նոյեմբերյան ճանապարհահատվածի նորոգումը, քանի որ դա խոչընդոտ է հանդիսանում զբոսաշրջության համար։ Մենք առաջնահերթ կզբաղվենք այն համայնքների ճանապարհներով, որտեղ անհրաժեշտ է քաջալերել աշխատանքը, որտեղ ինչ–որ տնտեսություն է սկսում աշխատել, որտեղ մարդկանց մտածողության մեջ փոխվել է  մտածելակերպը, որ պետք է չաշխատել եւ նպաստ ստանալ, այլ պետք է աշխատել՝ նպաստ ստացողի ցուցակից դուրս գալու համար։ Աղքատության հաղթահարումը կառավարության առաջնահերթություններից մեկն է, բայց դա մենք պատկերացնում ենք ոչ միայն մարդկանց սոցիալան աջակություն ցուցաբերելով, այլ՝ քաջալերելով, որպեսզի մարդիկ հնարավորություն ունենան իրենց աշխատանքով աղքատությունը հաղթահարել »,– ասաց Փաշինյանը։

!
Այս նյութը հասանելի է նաև   English, Русский and Türkçe
Տպել
Կարդացեք նաև
Ամբողջը
«Ժողովուրդ». Նոր մանրամասներ վեթինգից. Հայտնի են ժամկետներն ու մեխանիզմները
Աշնանը նախագիծն ամբողջությամբ կընդունվի...
«Հրապարակ». Ուշագրավ տրանսֆորմացիա. ցույց ցրողից՝ ցուցարար. Ռոբերտ Մելքոնյանը՝ ՎԵՏՕ-ի անդամ
Երեւանի նախկին փոխոստիկանապետ Ռոբերտ Մելքոնյանը, որ ժամանակին Վալերի Օսիպյանի հետ ցույցեր էր ցրում...
«Հրապարակ». Ուշագրավ տրանսֆորմացիա. ցույց ցրողից՝ ցուցարար. Ռոբերտ Մելքոնյանը՝ ՎԵՏՕ-ի անդամ
Երեւանի նախկին փոխոստիկանապետ Ռոբերտ Մելքոնյանը, որ ժամանակին Վալերի Օսիպյանի հետ ցույցեր էր ցրում...
«Հրապարակ». «ՍԴ լիազորություններին տիրանալը իշխանազավթում է». Գեւորգ Կոստանյան
Վստահ եմ, որ ՍԴ-ն շարունակելու է իր գործունեությունը Սահմանադրությամբ եւ օրենքներով...
«Ժողովուրդ». Տիգրան Ավինյանը կառավարություն է կանչել ՔԿ ծառայության պետին. պաշտոնանկություն կլինի՞
Ձեր կողմից նշված հանդիպումը կայացել է...
«Փաստ». Նախկին շեֆին տեսնելու հնարավորություն՝ քեֆերի ժամանակ. Սերժ Սարգսյանն առանձնակի ջերմություն ցույց չի տալիս
Նախկին ՀՀԿ-ականները փորձում են «մոտենալ ու շփվել» Ազատիչի հետ...