Հոկտեմբերին Սվերդլովի մարզում տեղի կունենան ՀԱՊԿ Հավաքական ավիացիոն ուժերի հրամանատարա-շտաբային առաջին՝ «Օդային կամուրջ» զորավարժությունները: Այս մասին հայտնում է ՏԱՍՍ-ը՝ վկայակոչելով Կենտրոնական ռազմական օկրուգի մամուլի ծառայությանը:
Դրանց կմասնակցեն Հայաստանի, Բելառուսի, Ղազախստանի, Ղրղզստանի, Ռուսաստանի եւ Տաջիկստանի զինծառայողները: Զորավարժությունների ժամանակ կմշակվի օդային փոխադրումների կազմակերպումն ու կառավարման համակարգը: Զորավարժությունների հիմնական օդանավակայանն է լինելու Եկատերինբուրգի Կոլցովոն:
