Լեհաստանի Արմտյան Պոմերանյան վոեւոդության ոստիկանությունում աշխատակիցների պակասությունը հանգեցրել է նրան, որ ոստիկանները սկսել են զանգվածայնորեն լքել իրենց աշխատատեղերը գերհոգնածության պատճառով, հայտնում է ՌԲԿ–ն։

Ըստ տվյալների՝ առանձին դեպքերում առանց աշխատակիցների են մնացել ամբողջ բաժիններ։

NSZZP վարչության պետ Ռաֆաել Յանկովսկին հավաստիացրել է, որ խոսքը բողոքի ցույցի մասին չէ, քանի որ ոստիկանները օրենքով գործադուլներին մասնակցելու իրավունք չունեն։ Խնդիրն այն է, որ ամռանը ոստիկանները ստիպված են լինում իրականացնել հանգստի մեկնած գործընկերների պարտականությունները։

NSZZP ներկայացուցչի խոսքով՝ ոստիկանների պակասություն կա ամբողջ Լեհաստանում, սակայն Արմտյան Պոմերանյայում իրավիճակը հատկապես բարդ է, այդ թվում՝ Գերմանիային մոտիկության պատճառով, որտեղ կարելի է ավելի լավ վարձատրվող եւ պակաս ծանր աշխատանք գտնել։