Գերմանիայի կանցլեր Անգելա Մերկելը եւ ՌԴ նախագահ Վլադիմիր Պուտինը կհանդիպեն օգոստոսի 18-ին Բեռլինում, հայտնել է Գերմանիայի կանցլերի ներկայացուցիչը, փոխանցում է Reuters-ը:
Հանդիպման ընթացքում կողմերը մտադիր են քննարկել Սիրիայում, Ուկրաինայի արեւելքում տիրող իրավիճակը, ինչպես նաեւ էներգետիկայի հարցեր: Հանդիպումը տեղի կունենա Բեռլինից դուրս գտնվող «Մեսեբերգ» կառավարական պալատում:
Վերջին անգամ Պուտինն ու Մերկելը հանդիպել են մայիսին Սոչիում: Անցյալ ամիս Մերկելը եւ Գերմանիայի արտաքին գործերի նախարար Հեյքո Մաասը հանդիպել են Ռուսաստանի արտգործնախարար Սերգեյ Լավրովի հետ: