News
Լրահոս
News
Երեքշաբթի
Հուլիս 16
USD
476.68
EUR
537.65
RUB
7.61
ME-USD
0.18
Տեսնել լրահոսը

ԴիջիՔեմփ ձեռներեցության 6-րդ ամենամյա նորարար ճամբարն այս տարի առաջին անգամ անցկացվեց Արցախում՝ Ծմակահող գյուղում:

Բնակավայրի ընտրությունը խորհրդանշական է: Դիջիքեմփի կազմակերպիչները նորարարության եւ ձեռներեցության  հիմունքների ուսուցմանը զուգընթաց ճամբարի մասնակիցներին ծանոթացրել են հայ մեծանուն ճարտարագետ, ֆիզիկոս եւ գյուտարար Անդրանիկ Իոսիֆյանի հայրենի գյուղին, ոգեշնչել նրանց հրթիռաշինության ու ինժեներության նկատմամբ հետաքրքրությունը մեծացնելու ու ինքնուրույն տեխնոլոգիական ապագա կերտելու համար:  

ԴիջիՔեմփ ձեռներեցության նորարության ճամբարին մասնակցել են 15-18 տարեկան 52 պատանի Հայաստանի գրեթե բոլոր մարզերից այդ թվում Արցախից, ինչպես նաեւ Ջավախքից: Տասնօրյա ճամբարի առաջին օրն ընտրվել են 7 լավագույն գաղափարները, ապա մասնակիցները թիմային աշխատանքների ու մենթորների աջակցության շնորհիվ բարելավել են  իրենց գաղափարները: Մասնագիտացված դասընթացներ են անցկացվել Ucom, Instigate, «Աշխարհ» ռազմավարական հետազոտությունների կենտրոնի եւ այլ ընկերությունների ներկայացուցիչների ու անհատների կողմից: Ճամբարականները նաեւ համապատասխան գիտելիքներ եւ հմտություններ են ստացել «Ողջ մնալու արվեստի» հիմնադիր Վովա Վարդանովի խմբի եւ հուշարձանագետ Սամվել Կարապետյանի կողմից:

Ucom ընկերության համահիմնադիր եւ գլխավոր տնօրեն Հայկ Եսայանը նույնպես մեկնել է Արցախ պատանի ձեռներեցների հետ հանդիպման: Հ. Եսայանը, իր մասնագիտական ու գործարարության ուղին սկսելով նույնպես պատանի հասակից, նրանց հետ կիսվել է ստարտափի իր փորձով եւ ուղղորդել նրանց:

«Ստարտափի ֆինանսավորման ժամանակ առաջնայինը միայն գաղափարը չէ, նաեւ դրա վրա աշխատող թիմն է, առանց որի ոչինչ հնարավոր չէ։ Եվ քանի որ բոլոր թիմերն այստեղ հավասարապես աշխատեցին գաղափարների ձեւավորման վրա, մենք դրանց ղեկավարներին միանման մրցանակներ կշնորհենք։ Իսկ հաղթող թիմին Ucom ընկերության կողմից կտրամադրենք 350 հազար դրամ ստարտափի մեկնարկի համար, ինչպես նաեւ U!Cloud ամպային համակարգում 1 տարվա բաժանորդագրություն», - նշեց Ucom ընկերության համահիմնադիր եւ գլխավոր տնօրեն Հայկ Եսայանը։ 

Ժյուրիի անդամների՝ Արցախի Կրթության, գիտության եւ սպորտի նախարար Նարինե Աղաբալյանի, ԴիջիՔեմփի կազմակերպիչ՝ Առաջատար տեխնոլոգիաների ձեռնարկությունների միության (ԱՏՁՄ) գործադիր տնօրեն Կարեն Վարդանյանի, Ucom ընկերության համահիմնադիր եւ գործադիր տնօրեն Հայկ Եսայանի, Վորլդ Վիժն Հայաստան կազմակերպության ներկայացուցիչ Նարեկ Թութխալյանի եւ այլ անդամների կողմից RAEEOD նախագիծը՝ ներկայացված Ախալքալակցի մասնակից Գրիգոր Սիմոնյանի գլխավորությամբ թիմով ճանաչվել է լավագույնը եւ շնորհվել է 1-ին մրցանակ: RAEEOD նախագիծն իրենից ներկայացնում է երաժշտության ունկնդրելու եւ որոնման բջջային հավելված: 

Բոլոր 7 նախագծերի (RAEEOD երաժշտություն ունկնդրելու եւ որոնման բջջային հավելված, «Դասերդ ով բդի էնե» դպրոցականների ուսմանն օժանդակող համակարգչային ծրագիր, որն արժանացավ Արցախի ԿԳ եւ սպորտի նախարարության հատուկ մրցանակին՝ դրամական պարգեւատրմամբ, «Ազդանշանային մոդուլ»՝ առաջնագծի համար, «Մարզիկի հոգեբանությունը» բջջային հավելված, «Armtour» զբոսաշրջային համակարգչային ծրագիր, «TechnoGuide» թանգարանների ցուցանմուշներին ծանոթացնող ծրագիր, «Project Sapper» (ական փնտրող ռոբոտ) հեղինակները  Ucom ընկերության կողմից որպես պարգեւ ստացել են սմարթֆոններ, ինչպես նաեւ իրենց նախագծերը կյանքի կոչելու ժամանակ անհրաժեշտ սերվերային տիրույթ:

Նշենք, որ ԴիջիՔեմփն իրականացվում է ԱՏՁՄ-ի կողմից 2013թ-ից նորարարական գաղափարներ ունեցող պատանիների համար: ԴիջիՔեմփի  նպատակն է աջակցել եւ ուղղորդել ինովացիոն գաղափարներ ունեցող պատանիներին, որպեսզի զարգացնեն իրենց նորարար գաղափարները եւ դրանք դարձնեն բիզնես ծրագրեր: Ինովացիոն ճամբարի շրջանակում դպրոցականները հանդիպում են առաջատար ՏՏ ընկերությունների ներկայացուցիչներին, խորհրդակցում բիզնես գաղափարների շուրջ, թիմերով աշխատում գաղափարների զարգացման ու կյանքի կոչելու համար, միեւնույն ժամանակ մասնակցում ժամանցային ու ճանաչողական միջոցառումների: ԴիջիՔեմփն արդյունավետ հարթակ է «Արմաթ» լաբորատորաների ցանցի դպրոցականների համար, ովքեր ուսումնական տարվա ընթացքում գիտելիքներ են ձեռք բերում եւ ամռանը բիզնեսի ստեղծման պրակտիկ միջավայրում աշխատում իրենց հասակակիցների հետ:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Beeline-ի եւ Թումոյի համատեղ նախագծի մասնակիցների աշխատանքները ներկայացվեցին ցուցահանդեսի շրջանակում
Հուլիսի 1-ին կենտրոնում մեկնարկած վիրտուալ իրականության, եռաչափ մոդելավորման եւ տպագրության երեք գործնական նախագծերը Թումոյի...
Դիլիջանում ամփոփվեցին «Արմաթ» ամառային տեխնոճամբարի առաջին հոսքի արդյունքները (ֆոտո)
Բացի ռոբոտատեխնիկական ուղղվածությունից` ճամբարը ներառում էր մշակութային եւ սպորտային բաղադրիչներ...
Beeline-ը զբոսաշրջիկներին 4G Wi-Fi մոդեմներ կտրամադրի
Առաջարկը հասանելի է Beeline-ի չորս գրասենյակներում. օդանավակայանի, Հյուսիսային պողոտայի, ինչպես նաեւ Ամիրյան 3 եւ Աբովյան 21 հասցեներում գտնվող գրասենյակներում...
Գաֆէսճեան արվեստի կենտրոնը եւ Beeline-ը ԹՈՒՄՈ Գյումրիում ներկայացրել են «Արվեստանոց» ցուցադրությունը
Գաֆէսճեան պատանեկան խորհրդի «Արվեստանոց» կրթական նախագծի արդյունքում ստեղծված ցուցադրությունը տեղի էր ունեցել դեռեւս 2018 թ. փետրվար – հունիս ամիսներին...
Beeline-ի գլխավոր տնօրենը գործարար նախաճաշ է անցկացրել Առաջնորդության դպրոցի համայնքի շրջանավարտների հետ
Հայաստանի խոշորագույն ընկերություններից մեկի ղեկավարը նախաճաշի ընթացքում կիսվել է արդյունավետ կորպորատիվ մշակույթի եւ նորարար բիզնես...
Beeline-ի եւ Թումոյի համատեղ նախագծի շրջանակում մեկնարկեց երեք դասընթաց
Այս նախագծի շրջանակում երեխաները ստանում են գիտելիքներ եւ հմտություններ ամենապահանջված, արդիական ոլորտներում...
Ամենաշատ