Tesla ընկերության ղեկավար Իլոն Մասկը հերքել է այն պնդումները, որ ընկերությունը հանրայինից մասնավոր դարձնելու համար 70 մլրդ դոլար կպահանջվեր: Այս մասին ՏԱՍՍ-ի հաղորդմամբ երկուշաբթի նա նշել է Tesla-ի կայքում տեղադրված նյութում:
«Պնդումները, որ ընկերությունը հանրայինից մասնավոր դարձնելու համար 70 մլրդ դոլար կպահանջվեր, զգալիորեն չափազանցված են»,-ընդգծել է Մասկը: Բաժնետոմսերից յուրաքանչյուրը 420 դոլարով կվաճառվեր միայն այն բաժնետերերին, ովքեր չէին ցանկանա մասնավոր դառնալու դեպքում մնալ ընկերության հետ:
Իմ ներկայիս գնահատականներով, ներկա ներդրողների ձեռքում գտնվող բաժնետոմսերի ընդհանուր թվի երկու երրորդը կփոխանցվեր մասնավոր ընկերությանը: Եթե վերջնական առաջարկությունը ձեւակերպվի, այն կքննարկվի հատուկ հանձնաժողովի կողմից, որում կներառվեն ընկերության տնօրենների խորհրդի անդամները»:
