ԱՄԷ-ից բնապահպանները երկրի տարածքում մացառախոզ եւ տափաստանային աղվես են նկատել: 13 տարի շարունակ այս կենդանիներն Էմիրություններում անհետացած տեսակ էին համարվում: Այս մասին հաղորդում է ՏԱՍՍ-ը՝ վկայակոչելով Al Arabia-ն:
Աբու Դաբիի շրջակա միջավայրի պահպանության գործակալությունում հայտնել են, որ «գտածոն կարելի է զարմանալի համարել», հաշվի առնելով, որ վերջին 13 տարիներին երկրի տարածքում նրանց ոչ մի անգամ չեն տեսել:
Մացառախոզը համարվում է Մերձավոր Արեւելքի տարածքում բնակվող ամենախոշոր կրծողը: Այն երկար ժամանակ անհետացած կենդանատեսակ էր համարվում:
