ԱՄՆ նախագահ Դոնալդ Թրամփը ստորագրել է 2019 ֆինանսական տարվա (ԱՄՆ-ում սկսվում է հոկտեմբերի 1-ից) 716 մլրդ դոլարի պաշտպանական բյուջեն: Ստորագրման արարողությունը տեղի է ունեցել երկուշաբթի Նյու-Յորք նահանգի Ֆորտ-Դրամի ռազմակայանում, որտեղ բնակեցված է ԱՄՆ-ի 10-րդ լեռնային դիվիզիան, հաղորդում է ՏԱՍՍ-ը:
Նախեւառաջ նոր բյուջեն ուղղված է զինծառայողների թվաքանակի ավելացմանը, այն կավելանա մոտ 16 հազարով, բացի այդ, նրանց դրամական աջակցությունը կավելանա 2.6 տոկոսով: Փաստաթուղթը ենթադրում է Ուկրաինային ռազմական օգնության տրամադրման շարունակություն, ինչպես նաեւ մի շարք միջոցառումներ`ուղղված ռազմական ոլորտում Ռուսաստանի հակազդեցությանը: