News
Լրահոս
News
Շաբաթ
Մայիս 25
Տեսնել լրահոսը

ՀՀ տրանսպորտի, կապի և տեղեկատվական տեխնոլոգիաների նախարար Աշոտ Հակոբյանն այցելել է «Հյուսիս-հարավ ճանապարհային միջանցքի ներդրումային ծրագրի» Թալին-Լանջիկ, Լանջիկ - Գյումրի հատվածներ։ Այստեղ շինարարությունն իրականացնում է չինական «Սինոհիդրո Քորփորեյշն» ընկերությունը։ Այդ մասին NEWS.am-ին հայտնեցին տրանսպորտի, կապի և տեղեկատվական տեխնոլոգիաների նախարարության մամուլի ծառայությունից։

Բազմիցս քննարկվել են այս հատվածներում շինաշխատանքների անբավարար արագության ու աշխատանքի ոչ պատշաճ փաստաթղթավորման խնդիրները։ Դրանք լուծելու նպատակով վերջին շրջանում ընկերությունում համալրվել է մասնագետների քանակը, ավելացվել է շինտեխնիկան, սակայն իրավիճակն ամբողջությամբ չի շտկվել։

Նախարարը ընկերության գրասենյակում հանդիպում է ունեցել շինարարության պատասխանատուների և որակի վերահսկողություն իրականացնող ընկերության ինժեներական թիմի հետ։

Նախորդ հանդիպումների ընթացքում կապալառու ընկերության առաջարկով որոշում էր կայացվել աշխատանքների առաջընթացն ապահովելու նպատակով  որոշակի թեստերի և աշխատանքի մեթոդաբանությունները փոփոխել, ինչն էլ ենթադրում է փաստաթղթերի փոփոխություն։

Նախարարը նկատեց, որ մինչ այժմ այդ խնդիրները լուծված չեն, և աշխատանքը դեռ ցանկալի արագություն չի հավաքել։

Հանդիպման ընթացքում նախարարը հորդորեց հնարավորինս զերծ մնալ անհարկի ձգձգումներից, առավելագույն ջանք գործադրել, անգամ երկրորդ հերթափոխով աշխատել, միայն թե աշխատանքի տեմպն արագանա և շինհրապարակում չաշխատող տեխնիկա չմնա։

Միևնույն ժամանակ նախարարը նշեց, որ այդ գործընթացը չպետք է անդրադառնա շինարարության որակի վրա։ Բոլոր թեստերը, ստուգումները պետք է ժամանակին կատարված լինեն։ Աշոտ Հակոբյանը շինարարներին և որակի վերահսկողներին հորդորեց սերտ համագործակցել, ամեն մեծ ու փոքր հարցին արագ արձագանքել, քննարկել և ընդհանուր հայտարարի գալ։

Նախարարի խոսքով` «Հյուսիս-հարավ ճանապարհային միջանցքի» ծրագիրն այսօր Հայաստանում ամենակարևորներից է, ուստի նախարարության բոլոր օղակներն, այդ թվում և ինքը, շուրջօրյա հասանելի են ցանկացած խնդիր քննարկելու ու արագ լուծում գտնելու համար։

Այցի ընթացքում Աշոտ Հակոբյանը գործնական քննարկում է ունեցել նաև Աշտարակ-Թալին հատվածի շինարարությունն իրականացնող «Իզոլյուքս Կորսան» ընկերության ներկայացուցիչների հետ։ Քննարկվել են շինարարության ընթացքի հետ կապված մի շարք հարցեր։ 

Տպել
Կարդացեք նաև
Ամբողջը
Վրացիները տոն են նշում. Լարսի անցակետը մայիսի 26-ին մի քանի ժամ փակ է լինելու բեռնատարների համար
Նախարարությունից կոչ են անում բեռնափոխադրումներ իրականացնելիս հաշվի առնել այս տեղեկատվությունը...
Ողջաբերդի ճանապարհի սողանքային խնդիրը պարզ հարց է, այն շուտ կարելի է լուծել. Վահագն Վերմիշյանը նշեց ճանապարհը
Դա լուծվող խնդիր է, ամբողջ աշխարհում կա, մենք անընդհատ հրդեհ ենք հանգցնում, հրդեհ եղավ, գնում ենք ու հանգցնում, տեղերը գիտենք…
Երբ մեկի նախագիծը մերժում ես, մտածում է՝ տենաս ինչի էս նախարարը հետս չունի. Փաշինյանը հիշեց հայտնի սկետչը
Բայց երբեք չի մտածում, որ խաբեություն չկա, պարզապես նախագիծը իրոք անորակ է…
Ամեն անգամ քննարկելիս սթրեսի մեջ ենք, որ կարողանալո՞ւ ենք ունենալ ճանապարհ. Ամեն անգամ մեզ դուխ ենք տալիս. Փաշինյան
Ամեն անգամ մենք մեզ դուխ ենք տալիս, որ կկարողանանք: «Սեւ ցուցակի» ընկերությունների թիվն ավելանում է, «սպիտակ ցուցակի» ընկերությունների թիվը՝ այնքան էլ չէ…
Սիս գյուղի երեխեքը ասում են՝ «Նիկոլն եկավ, խոստացավ, «գլխառադ» արեց ու գնաց, այդ ճանապարհն ինչի՞ չենք սարքում». Փաշինյան
Հարցին արձագանքեց նաեւ փոխվարչապետ Տիգրան Ավինյանը՝ նշելով, որ սրանից հետո ՀՀ բոլոր երեխաները կիմանան՝ խնդիրը բարձրաձայնելու ճիշտ ձեւը որն է…
Փորեցին ու մոռացան. հերթական ճանապարհային նորոգումը Երեւանում անհարմարություններ է պատճառում վարորդներին (ֆոտո)
Ճանապարհները պետք է նորոգել ժամանակին...