News
Լրահոս
News
Կիրակի
Նոյեմբեր 18
Տեսնել լրահոսը

Մինչ օրս նույն ղարաբաղյան հակամարտության կարգավորման բանակցությունների սեղանին Մադրիդյան սկզբունքներն են: Այս մասին օգոստոսի 14-ին լրագրողների հետ հանդիպման ժամանակ ասաց  «Ընդդեմ իրավական կամայականությունների» հասարակական կազմակերպության գործադիր տնօրեն Լարիսա Ալավերդյանը՝ մեկնաբանելով ղարաբաղյան կարգավորման բանակցային գործընթացի հարցը:

Ըստ Ալավերդյանի՝ բանակցային գործընթացի այս ձեւաչափը բացարձակ ձեռնտու չէ ղարաբաղյան կողմի համար եւ չի համապատասխանում ընդհանուր տարածաշրջանի շահերին:

«Մենք բանակցային սեղանին այլեւս ոչինչ չունենք: Մենք ունենք միայն այդ մադրիդյան սկզբունքները ... Արդյունքում, մենք հասել ենք նրան, ինչի մասին հայտարարել էր դեռ  Հայաստանի առաջին նախագահը «Կոմսոմոլսկայա պրավդա» թերթին տված հարցազրույցում, մասնավորապես, որ Հայաստանը համաձայն է, որպեսզի Ղարաբաղը մնա Ադրբեջանի կազմում, սակայն՝ ավելի բարձր կարգավիճակի շրջանակներում, այսինքն` որպես ինքնավար հանրապետություն, այլ ոչ թե ինքնավար մարզ»,- պարզաբանեց իրավապաշտպանը:

Ընդ որում, ըստ Ալավերդյանի, այս համաձայնագրից հետո հայկական կողմը ոչ մի իրական քայլ չի ձեռնարկել այդ մոտեցումը փոխելու համար: Իրավապաշտպանը նշեց, որ Հայաստանի երկրորդ եւ երրորդ նախագահները միանշանակորեն եւ կոշտ կերպով հայտարարել են, որ Ղարաբաղը չի կարող ուղից կերպով ենթարկվել Ադրբեջանին, քանի որ այն երբեք անկախ Ադրբեջանի պետության մաս չի եղել, սակայն այս դիրքորոշումը Մադրիդյան սկզբունքներում այդպես էլ չի նշվել:

Միեւնույն ժամանակ, Ալավերդյանը շեշտեց, որ հայկական կողմը չի կարողանա միակողմանի կերպով դուրս գալ այս համաձայնագրից, քանի որ դա կարող է շատ ուժեղ հարված հասցնել իր միջազգային հեղինակությանն ու դիրքորոշմանը: Հետեւաբար, ըստ Ալավերդյանի, անհրաժեշտ է աշխատել այն շրջանակներում եւ այն հարթակներում, որոնք արդեն իսկ առկա են, սակայն՝ առաջ տանելով սեփական դիրքորոշումը, քանի որ հայկական կողմը հաղթող կողմն է եւ որպես հաղթող կարող է իր պահանջներն առաջադրել:

 

!
Այս նյութը հասանելի է նաև   Русский
Տպել
Կարդացեք նաև
Ամբողջը
«Ոտքի վրա» Ադրբեջանի հետ օպերատիվ կապը էֆեկտիվ չէ․ Լարիսա Ալավերդյան
3-5 օր եթե անձը հայտնվել է սահմանից այն կողմ, մենք վերադարձ ենք ունեցել․․․
Ադրբեջանը Ֆրանսիային բողոքի նոտա է հղել
Մենք կարծում ենք, որ Ֆրանսիայի այս քայլը լուրջ կասկածի տակ է դնում նրա օբյեկտիվությունն ու անկողմնակալությունը…
Oմբուդսմենը արտահերթ զեկույց է պատրաստել հայկական սահմանամերձ գյուղերի գնդակոծության մասին
Կոթի գյուղը գնդակոծվել է սեպտեմբերի 2–ին, 4–ին, 5–ին, 15–ին, 16–ին եւ 29–ին...
Մտահոգված ենք Կարեն Ղազարյանի ճակատագրով. ՀՀ ՄԻՊ
Դիմել է ՄԱԿ եւ ԵԽ հանձնակատարներին, աշխատանք է տարվում ԿԽՄԿ հետ սերտ համագործակցությամբ…
Հայաստանի եւ Արցախի միջեւ ռազմաքաղաքական դաշինքի կնքման ծրագիր եղել է դեռեւս ապրիլյան պատերազմից հետո. Շարմազանով
Երբ որ գա ժամանակը, դրա անհրաժեշտությունը լինի, մենք կխոսենք այդ մասին: Մենք տեսնում ենք շատ լուրջ մտահոգություններ, մարտահրավերներ ոչ միայն...
Փոստանջյան. Հայաստանի ներկայիս ղեկավարությունը կարող է տարածքային զիջումների գնալ
«Հայաստանի ներկայիս իշխախունությունն, ըստ էության, այս ամբողջ ընթացքում շարունակել է նախկին իշխանությունների քաղաքականությունը»...
Partner news