Լոնդոնի խորհրդարանի շենքի մոտ երեքշաբթի ավտոմեքենայի մխրճվելու հետ կապված միջադեպը, որի հետեւանքով մի քանի մարդ է տուժել, հետաքննում է իրավապահ մարմինների հակաահաբեկչական ստորաբաժանումը։ Այս մասին ասված է Լոնդոնի ոստիկանության թվիթերյան էջում տեղադրված հայտարարությունում, հայտնում է ՏԱՍՍ–ը։
Ականատես Իվելինա Օչաբը հայտնել է, որ վարորդը մեծ արագությամբ նպատակադրված մեքենան ուղղել է դեպի ցանկապատը, հայտնում է Daily Mail–ը։
BBC–ին մեկ այլ ականատես պատմել է, որ տեսել է, թե ինչպես է մեքենան սկզբում ուղղվում դեպի հեծանվորդների խմբի ուղղությամբ, ապա ընթանում դեպի ուղեփակոցը։ Նա եւս հաստատել է, որ վարորդի գործողություններն իրեն դիտավորյալ են թվացել։