News
Լրահոս
News
Կիրակի
Նոյեմբեր 18
Տեսնել լրահոսը


«Դիլիջան ազգային պարկ» ՊՈԱԿ-ի Հաղարծին տեղամասի մասնաճյուղի 9-րդ և 11-րդ պահաբաժինների տարածքում կատարված ապօրինի ծառահատումների դեպքի առթիվ ՀՀ քննչական կոմիտեի Տավուշի մարզային քննչական վարչության Դիլիջանի քննչական բաժնի վարույթում քննվող քրեական գործով ձերբակալվել է Տավուշի մարզի երկու բնակիչ: Այդ մասին NEWS.am-ին հայտնեցին ՀՀ քննչական կոմիտեի մամուլի ծառայությունից։

Նախնական տվյալներով՝ 2018 թվականի օգոստոսի 13-ին ենթադրյալ հանցագործություն կատարած անձինք բնության հատուկ պահպանվող տարածք հանդիսացող «Դիլիջան ազգային պարկ» ՊՈԱԿ-ի Հաղարծին-տեղամաս մասնաճյուղի 9-րդ և 11-րդ պահաբաժիններում՝ դեպի Պարզ լիճ տանող ավտոճանապարհի աջ և ձախ եզրերին, ապօրինի հատել են 21 տարբեր տեսակի և տրամագծի ծառ: Այնուհետև առաջացած փայտանյութը լցրել ավտոճանապարհի երթևեկելի հատվածում՝ դադարեցնելով երթևեկությունը:

Դեպքի առթիվ հարուցվել է քրեական գործ՝ ՀՀ քրեական օրենսգրքի 296-րդ հոդվածի 3-րդ մասով, որով նախաքննությունն իրականացվում է ՀՀ ՔԿ Տավուշի մարզային քննչական վարչության Դիլիջանի քննչական բաժնում:

Քննությամբ ձեռք բերված տվյալների համաձայն՝ Տավուշի մարզի երկու բնակիչ, նախնական համաձայնության գալով նույն մարզի ևս երկու բնակչի հետ, «Դիլիջան ազգային պարկ» ՊՈԱԿ-ի «Հաղարծին-տեղամաս» մասնաճյուղի 9-րդ և 11-րդ պահաբաժիններում առերևույթ հատել են 21 ծառ, որի հետևանքով պետությանը պատճառվել է առանձնապես խոշոր չափերի՝ 2.567.500 դրամի վնաս:

2018թ. օգոստոսի 14-ին Տավուշի մարզի երկու բնակիչները ձերբակալվել են, իսկ մյուս երկուսի նկատմամբ որպես խափանման միջոց է ընտրվել ստորագրություն` չհեռանալու մասին:

Նախաքննությունը շարունակվում է, ձեռնարկվում են անհրաժեշտ քննչական և դատավարական այլ գործողություններ՝ ապօրինի ծառահատումներին առնչություն ունեցած հնարավոր այլ անձանց շրջանակը պարզելու, հանգամանքների բազմակողմանի քննությունն ապահովելու ուղղությամբ:

Տպել
Կարդացեք նաև
Ամբողջը
«Դարիկնոցի» կին տերը դատապարտվեց 4 տարվա ազատազրկման
Երեւան քաղաքի ընդհանուր իրավասության դատարանը Դարիկո Պ.-ին մեղավոր է ճանաչել Քրեական օրենսգրքի 262-րդ հոդվածի 2-րդ մասի 5-րդ կետով...
Կոտայքում վրաերթի են ենթարկել 61-ամյա բնակչին. նա մահացել է (ֆոտո)
վրաերթի ենթարկվածը տեղում մահացել է, իսկ վարորդը հեռացել է դեպքի վայրից...
Ֆրանսիայում բենզինի գների բարձրացման դեմ բողոքի ակցիայի ընթացքում տուժողների թիվը հասել է 106-ի
Ներքին գործերի նախարարության տվյալներով, ակցիաների ընթացքում ձերբակալվել է 52 մարդ, որոնցից 38-ը ձերբակալվել է...
Սելֆին ամերիկացուն փրկել է 99 տարվա բանտարկությունից
Ավելի ուշ պարզվել է, որ նեղացած ընկերուհին հորինել է այդ ամբողջ պատմությունը իր նախկին ընկերոջից վրեժ լուծելու համար...
Թել Ավիվում անսարք արգելակներով ինքնաթիռը հաջողությամբ վայրէջք է կատարել
«Ինքնաթիռը Դավիթ Բեն Գուրիոնի անվան Թել Ավիվի օդանավակայանում հաջողությամբ վայրէջք է կատարել....
Ոստիկաններին դիմադրած տղամարդը վնասազերծվել ու բերման է ենթարկվել
Իշխանության ն երկայացուցչի հանդեպ բռնության հատկանիշներով քրեական գործ է հարուցվել․․․
Partner news