Թուրքիայի արտաքին գործերի նախարար Մեւլութ Չավուշօղլուն երեքշաբթի հանդես է եկել ԱՄՆ–ին ուղղված կոչով՝ հորդորելով Անկարայի եւ Վաշինգթոնի միջեւ հարաբերություններում առաջացած խնդիրների լուծման համար վերսկսել երկխոսությունը։ Այս մասին Թուրքիայի ԱԳ նախարարը հայտարարել է ՌԴ իր գործընկերոջ՝ Սերգեյ Լավրովի հետ համատեղ մամուլի ասուլին, փոխանցում է ՏԱՍՍ–ը։
«Խնդիրների լուծման համար անհրաժեշտ է երկխոսությանը վերադառնալ։ Սպառնալիքներն ու ճնշումը ԱՄՆ–ի կողմից միայն քաոսի կհանգեցնեն»,–ասել է Չավուշօղլուն։
Նախարարը նաեւ հավելել է, որ ամերիկացի պաստոր Բրենսոնի գործով որեւէ փոփոխություն չկա։
