News
Լրահոս
News
Ուրբաթ
Սեպտեմբեր 21
Տեսնել լրահոսը

Բացահայտվել է 28 տարի առաջ տեղի ունեցած սպանությունը:

Քննչական կոմիտեի մամուլի ծառայությունից հայտնում են, որ 1990թ. հոկտեմբերի 31-ին Կոտայքի մարզում գտնվող «Գեղարդ» կոչվող վանքի դիմացի հատվածում գտնվող լանջին՝ թփուտների մեջ, հայտնաբերվել է Երեւան քաղաքի Ֆիզիկայի ինստիտուտի առաջատար կոնստրուկտորի դին: Դիակի արտաքին զննությամբ պարզվել է, որ վերջինիս կրծքավանդակի վերին աջ մասում առկա է հրազենից արձակված գնդակի մուտքի անցք, իսկ մեջքի մասում՝ ելքի անցք:

Տուժողի մարմնից հանված գնդակն ունեցել է 8,2 մմ տրամաչափ եւ կրակվել է «40-8,2» մակնիշի որսորդական հրացանից:

Սպանության դեպքի առթիվ 1990թ. նոյեմբերի 1-ին Արտաշատի միջշրջանային դատախազությունում հարուցվել է քրեական գործ, որի շրջանակներում իրականացվել են մի շարք քննչական գործողություններ, սակայն որպես մեղադրյալ ներգրավման ենթակա անձը պարզված չլինելու հիմքով 1991թ. փետրվարի 2-ին քրեական գործով վարույթը կասեցվել է:

2018 թվականի օգոստոսի 1-ին ստացված օպերատիվ տեղեկությունների հիման վրա՝ քրեական գործով կասեցված վարույթը վերսկսվել է, եւ ձեռնարկված քննչական եւ դատավարական այլ միջոցառումների արդյունքում պարզվել են տուժողի՝ կյանքի հետ անհամատեղելի հրազենային մարմնական վնասվածքներ ստանալու հանգամանքները։

Այսպես՝ նախնական քննությամբ` փաստական տվյալներ են ձեռք բերվել, որ երկու ընկեր դեպքի օրը գնացել են Կոտայքի մարզում գտնվող «Գեղարդ» կոչվող վանքի վերեւի հատվածում գտնվող սարեր՝ որսի։ Թփուտների միջից ձայներ լսելուց հետո նրանցից մեկը, կարծելով, թե արջ է, երկու հատ կրակոց է արձակել այդ ուղղությամբ, որից հետո լսվել է ձայն, եւ հասկացել է, որ մարդու ուղղությամբ է կրակել: Դրանից հետո անմիջապես ընկերոջ հետ մոտեցել են այդ հատված ու նկատել, որ կրակոցի հետեւանքով գնդակը դիպել է մի մարդու, որին չեն ճանաչել: Այնուհետեւ վախից հեռացել են նշված հատվածից՝ դին թողնելով տեղում:

Ենթադրյալ հանցագործություն կատարած անձի ինքնությունը պարզվել է։

Նախաքննությունը շարունակվում է։

Տպել
Կարդացեք նաև
Ամբողջը
Ստեփանակերտում ԱԱԾ նախկին պետի որդու մասնակցությամբ ծեծկռտուքի գործ. մեղադրյալներից մեկի մասով քրգործը կարճվել է
Հայտնի չէ՝ արդյոք մյուս մեղադրյալների մասով քրգործը նույնպես կարճվել է, թե ոչ...
Հայտնի է HSBC բանկի վրա ոստիկանության գնդապետի կողմից զինված հարձակման գործով մեղադրական եզրակացությունը
Դանիելյանը մտադրվել է HSBC բանկի «Կոմիտաս» մասնաճյուղից հափշտակել 500 հազար դոլար...
Վրաերթեր Երեւանում եւ Իջեւանում. Հիվանդանոց է տեղափոխվել 4 մարդ
Սեպտեմբերի 19-ին, ժամը 05.30-ին, անհայտ մակնիշի ավտոմեքենայի վարորդը Երեւանի Արցախի պողոտայում…
Մեկ օրում բացահայտվել է հանցագործության 48 դեպք. սպանության փորձ, ծեծ, ապացույցների կեղծում
Անցած 1 օրվա ընթացքում հանրապետությունում արձանագրվել է ճանապարհատրանսպորտային 13 պատահար, ինչի հետեւանքով 16 մարդ ստացել է տարբեր աստիճանի մարմնական վնասվածքներ…
«Սերմերի գործակալություն» ՊՈԱԿ-ում 15.6 մլն դրամի չափով պակասորդներ են հայտնաբերվել. հարուցվել է քրգործ
Նույն որոշման համաձայն` ՀՀ մարզերի համար նախատեսված, սակայն հողօգտագործողների կողմից վճարունակ պահանջարկի բացակայության պատճառով չիրացված սերմացուների հետագա պահպանության...
Անհայտ անձը շենքի մուտքում փորձել է 12-ամյա աղջնակի հետ անառակաբարո գործողություն անել. աղջիկը բղավել է ու փախել
Սեպտեմբերի 14-ին Շենգավիթի ոստիկանության բաժին դիմած քաղաքացին հայտնել է, որ նույն օրը…
Ամենաշատ
Partner news