News
Լրահոս
News
Երեքշաբթի
Հունվար 22
Տեսնել լրահոսը

«Հարավկովկասյան երկաթուղի» ընկերությունը հաստատում է տեղեկությունը, որ Պետական եկամուտների կոմիտեի աշխատակիցները խուզարկություն են իրականացրել ընկերությունում եւ փաստաթղթեր առգրավել:

Ընկերության մամուլի ծառայությունից NEWS.am-ի թղթակցին հայտնեցին, որ խուզարկությանը մասնակցել են ՊԵԿ հատուկ նշանակության ջոկատի աշխատակիցները: Մամուլի ծառայությունում ընդգծեցին, որ ընկերությունն ամեն տարի 3 մլրդ 300 մլն դրամի չափով հարկեր է վճարում:

Այստեղ հիշեցրեցին, որ այսօր վարչապետ Նիկոլ Փաշինյանը հանդիպել է «Հարավկովկասյան երկաթուղի» ընկերության գլխավոր տնօրեն Սերգեյ Վալկոյի հետ, իսկ խուզարկությունը տեղի է ունեցել երեկ երեկոյան:

Մամուլի ծառայությունից շեշտեցին, որ ընկերությունը միշտ աշխատել է բաց եւ թափանցիկ, ինչպես նաեւ համագործակցել է հարկային մարմինների եւ ՊԵԿ-ի հետ:

Նշենք, որ ՊԵԿ-ից մեկնաբանություն ստանալ դեռեւս չի հաջողվում. լրատվական ծառայությունում չեն պատասխանում հեռախոսազանգերին:

Ավելի վաղ լրատվամիջոցները հաղորդել էին, որ ՊԵԿ աշխատակիցները խուզարկություններ են իրականացնում «Հարավկովկասյան երկաթուղի» ընկերությունում: Առգրավվել են փաստաթղթեր, ստուգվել են աշխատակցիների անձնական իրերը: Հաղորդվել էր 9.7 մլն դրամի չափով ԱԱՀ չվճարելու պատճառով քրեական գործ հարուցելու մասին:

«Հարավկովկասյան երկաթուղի» ՓԲԸ-ն «Ռուսական երկաթուղիներ» ԲԲԸ-ի 100 տոկոանոց դուստր ընկերությունն է:

2008 թվականի փետրվարի 13-ին Երեւանում «Ռուսական երկաթուղիներ» ԲԲԸ-ի եւ Հայաստանի Հանրապետության միջեւ ստորագրվել էր «Հարավկովկասյան երկաթուղի» ՓԲԸ-ի կառավարմանը Երկաթուղային տրանսպորտային համակարգի փոխանցման մասին կոնցեսիոն պայմանագիր: Համաձայնագրի համաձայն կոնցեսիոն կառավարման ժամկետը 30 տարի է՝ կողմերի փոխադարձ համաձայնությամբ առաջին քսան տարիների աշխատանքից հետո եւս 10 տարի երկարացման իրավունքով:

«Հարավկովկասյան երկաթուղի» ընկերության նպատակների մեջ է մտնում Հայաստանի երկաթուղային ենթակառուցվածքի արդիականացումը, Հայաստանի հետ սահմանակից երկրների հետ համագործակցության զարգացումը, հանրապետության ներքին եւ միջազգային ուղեւորափոխադրումների եւ բեռնափոխադրումների հաղորդակցության զարգացումը: Ընկերության կողմից իրականացվող ներդրումների չափը 572 մլն դոլար է:

 

!
Այս նյութը հասանելի է նաև   Русский
Տպել
Կարդացեք նաև
Ամբողջը
Նարեկ Սարգսյանը Պրահայում արդեն մեկուկես ամիս արգելանքի տակ է
Նարեկ Սարգսյանի էքստրադիցիոն գործընթացը շարունակվում է...
Կրակոցներ Արարատի մարզում, կան վիրավորներ
Մարզի ոստիկանությունը շատ լավ գիտի, թե ով է կրակողը...
Մեղադրանք է առաջադրվել 20-ամյա երիտասարդին՝ զենքի գործադրմամբ ավազակային հարձակում կատարելու համար
Կատարվել է դեպքի վայրի զննություն, առգրավվել են նշված սուպերմարկետում գործող տեսախցիկների տեսագրառումները...
Փարիզում Ելիսեյան դաշտերի մոտակայքում բանկ են թալանել
Աղբյուրները հայտնում են, որ չորս գողերը պատանդ են վերցրել բանկի հաճախորդների ու աշխատակիցների․․․
Հրազդանի անտառների սեփականաշնորհման գործընթացում կոռուպցիոն դրսեւորումներ են բացահայտվել
Կոտայքի մարզի Հրազդան համայնքի վարչական սահմաններում գտնվող պետական սեփականություն հանդիսացող անտառային ֆոնդի հողերից 50.48 հեկտարից 36.48 հեկտարը փոխադրվել է բնակավայրերի հողերի կատեգորիա...
ԱՄՆ-ում տղամարդը սպանել է իր ամբողջ ընտանիքին՝ ներառյալ 9-ամսական դստերը
Մահվանից առաջ ոստիկանությանը հասցրել է կանչել զոհերից մեկը…
Ֆոտոռեպորտաժներ