Vollebak ընկերությունը աշխարհում առաջին բաճկոնն է թողարկել, որը պատրաստված է գրաֆենի կիրառմամբ՝ ինովացիոն նյութ, որը պողպատից ավելի ամուր է, սակայն միլիոն անգամ բարակ է թղթից: Ինչպես պնդում են այն ստեղծողները՝ եղբայրներ Սթիվ եւ Նիկ Թիդբոլները, իրենց մշակումն օժտված է «ապագայի նյութի» կախարդական հատկություններով. այն հեռացնում է ավելորդ խոնավությունն ու ջերմությունը, ոչնչացնում է բակտերիաները եւ դրա հետ մեկտեղ՝ էլեկտրականություն է հաղորդում, փոխանցում է Vesti-ն:
Հրաշք բաճկոնը պատրաստված է երկկողմանի նյութից: Արտաքին կողմը պատրաստված է գրաֆենային «նանոպլաստինից» (չմշակված գրաֆիտի եւ պոլիուրետանի միախառնման արդյունքում ստացված թաղանթ) եւ գորշ-պողպատագույն է, աստառը սեւ անփայլ նեյլոնից է:
«Բաճկոնը կարող է ձեր շուրջը հաղորդել ոչ միայն մարմնից եկող ջերմությունը՝ մաշկի ջերմաստիճանը հավասարեցնելու եւ մեծացնելու համար, այլ նաեւ տեսականորեն կարող է պաշարել անսահմանափակ քանակությամբ ջերմություն եւ որպես ռադիատոր աշխատել»,- ասում է Սթիվ Թիդբոլը: Նրա խոսքով՝ Vollebak-ի ստեղծման համար տարիներ շարունակ գիտահետազոտական աշխատանքներ են կատարել, եւ դեռեւս 2 տարի առաջ դրա հայտնվելը անհնար էր:
Արեւոտ օրերին «կախարդական» անձրեւանոցը ջերմությունը կլանում է, իսկ ցուրտ օրերին՝ այն ցրում է մարմնի շուրջը, տաքացնելով գործվածքի ամենասառը հատվածները: Բաճկոնը պատրաստվել է առանց կարերի՝ դրա մասերը կտրվել են լազերի միջոցով եւ հերմետիկորեն իրար են միացվել ջերմային եղանակով: Vollebak նորույթը կարելի է գնել 695 դոլարով:
