News
Լրահոս
News
Ուրբաթ
Փետրվար 22
Տեսնել լրահոսը

Թուրք-ամերիկյան հարաբերությունները վատթարացել են դեռ 2011 թվականին, երբ Թուրքիան հրաժարվեց ԱՄՆ իշխանությունների խնդրանքով ուղիղ հարվածներ հասցնել Սիրիային եւ զորքեր մտցնել այնտեղ: Այս մասին օգոստոսի 16-ին լրագորղների հետ զրույցում հայտարարեց թուրքագետ Մուշեղ Խուդավերդյանը:

Ընդ որում, փորձագետը պարզաբանեց, որ վատթարացել են ոչ այդքան հարաբերություններն ԱՄՆ-ի եւ Թուրքիայի միջեւ, որքան՝ երկու երկրների նախագահների Դոնալդ Թրամփի եւ Ռեջեփ Թայիփ Էրդողանի միջեւ, քանի որ ԱՄՆ-ում թուրքական պետության ղեկավարը դադարել է ընկալվել որպես արեւմտամետ քաղաքական գործիչ եւ Վաշինգտոնին Էրդողանի հետագա պաշտոնավարումը ձեռնտու չէ:

«Դրա ապացույցը դարձավ 2016 թվականի հուլիսին Թուրքիայում տեղի ունեցախ ձախողված հեղաշրջումը, երբ արեւմտյան ուժերը փորձեցին տապալել Էրդողանի իշխանությունը, սակայն նրանց դա չհաջողվեց, եւ թուրք-ամերիկյան հարաբերություններն էլ ավելի սրվեցին»,- նշեց թուրքագետը:

Իսկ Էրդողանի վերջին հաղթանակն ընտրություններին, ըստ Խուդավերդյանի, ապացույց դարձավ առ այն, որ Թուրքիան ոչ միայն արեւմտամետ չի լինի, այլեւ կշարունակի դաշնակցային հարաբերություններ հաստատել Իրանի, Ռուսաստանի հետ եւ վերջին շրջանում նույնիսկ Չինաստանի հետ, որոնց ԱՄՆ-ն իր քաղաքական մրցակիցներն է համարում:

Թուրքագետը հավելեց, որ այս փուլում Էրդողանը Թուրքիայում  որոշակի համակարգ է ձեւավորում, որի նպատակն է վերացնել վերջին տասնամյակների ընթացքում Թուրքիայում ձեւավորված արեւմտյան ազդեցությունը: «Այս ամենը չի կարող չանհանգստացնել ԱՄՆ իշխանություններին, որոնք տարբեր պատժամիջոցներով փորձում են ազդեցություն գործել Թուրքիայի վրա»,- ընդգծեց Խուդավերդյանը:

Իսկ հայկական կողմը, ըստ փորձագետի, պետք է զգոնություն, լիարժեք չեզոքություն պահպանի այս հարցում, որպեսզի չսրի Թուրքիայի հետ առանց այդ էլ բարդ հարաբերությունները (Հայաստանն ու Թուրքիան դիվանագիտական հարաբերություններ չունեն): Բացի այդ, հայկական կողմը պետք է ձեռնպահ մնա հայտարարություններից, որոնք կարող են վրդովմունք առաջացնել ինչպես Թուրքիայի, այնպես էլ Միացյալ Նահանգների կողմից:

 

!
Այս նյութը հասանելի է նաև   Русский
Տպել
Կարդացեք նաև
Ամբողջը
Չավուշօղլուն Հայոց պատրիարքի ընտրության հետ կապված Էջմիածնին կոչ է արել համբերատար լինել
Թուրքիայի ԱԳ նախարարի հետ հանդիպմանը քննարկվել է Պոլսո հայոց պատրիարքի ընտրության հետ կապված խնդիրները...
Կարո Փայլանն ու Արամ Ա կաթողիկոսը քննարկել են հայ-թուրքական հարաբերությունները
Նշված հարցերով Կարո Փայլանը անհրաժեշտ տեղեկություններ է փոխանցել Վեհափառ Հայրապետին, միաժամանակ հայտնելով նաև իր տեսակետները...
Առաջադրվել պատրաստվող Քամիլա Հարիսը աջակցում է Հայոց Ցեղասպանության ճանաչումը
Հարիսը պաշտպանում էր Հայոց ցեղասպանությանը վերաբերող օրինագծերն ընդունելու իրավունքը, ինչպես նաեւ ցեղասպանությունը վերապրած հայկական ծագմամբ ամերիկացիների՝ ապահովագարական վճարներ ստանալու իրավունքը...
Հրանտ Դինքը երկու բան արեց, որը լցրեց թուրքերի համբերության բաժակը. Տիրան Լոքմագյոզյան
Զգուշացրեցին, որ մեր երկում փողոցներում կան լիքը մարդիկ, որ գժեր են, որոնք կարող են վատություն անել, ավելի լավ է՝ զգուշացեք: Դա, իհարկե, բաց զգուշացում ու սպառնալիք էր...
Դինքը Գրիգոր Զոհրապից 100 տարի հետո խոսեց ու կայծակները քաշեց իր վրա. թուրքերը դրան սովոր չէին. Տիրան Լոքմագյոզյան
Դա չտեսնված բան էր Թուրքիայի մեջ, եւ թուրքերը սովոր չէին դրան...
Մինչեւ Էրդողանը Թուրքիայում հայերը վախենում էին ասել, որ իրենք հայ էին. Մարգար Եսայան
Թուրքիայի մշակույթի եւ տուրիզմի նախարարությունը տարվա հատուկ մրցանակ...