News
Լրահոս
News
Չորեքշաբթի
Սեպտեմբեր 19
Տեսնել լրահոսը


Հատուկ քննչական ծառայության պետ Սասուն Խաչատրյանը կարծում է, որ Վերաքննիչ դատարանի դատավոր Ալեքսանդր Ազարյանը նախկին նախագահ Ռոբերտ Քոչարյանի գործով պետք է ինքնաբացարկ հայտարարի:

Լրագրողների հետ զրույցում Խաչատրյանը նշեց, որ դատավոր Ազարյանը նիստի ժամանակ իրոք զգուշացրել է, որ աշխատել է երկրորդ նախագահի գրասենյակում: «Այն, որ նա աշխատել է Ռոբերտ Քոչարյանի ապարատում, ես ինքս չէի դիտարկի որպես նախապայման  սուբյեկտիվ դիրքորոշման համար: Սակայն համոզված եմ, որ Ազարյանը պետք է ինքնաբացարկ հայտարարի, քանի որ մարտի 1-ի գործով իր կողմից ժամանակին 9 որոշում է կայացվել: Այսինքն, տասը տարի առաջ դատավորը որոշումներ է կայացրեց, որտեղ խաղաղ քաղաքացիներին որպես ամբոխ է գնահատել, մեղադրել է նրանց թալանի համար եւ այլն: Այսինքն, նա որոշակի նախապաշարմունքներ ունի, եւ ուստի պետք է ինքնաբացարկ հայտարարի կամ հայտներ նախկինում կայացրած որոշումների մասին, եւ այդ դեպքում դատախազները ինքնաբացարկ կպահանջեին»,- հայտարարեց Խաչատրյանը:

Նրա խոսքով՝ դատարանի նախագահն արձակուրդում էր, իսկ Ազարյանն իրականացնում էր նախագահի պարտականությունները եւ գործն իր վարույթի տակ էր առել:

Պատասխանելով այն հարցին, թե ինչու դատախազները նախապես տեղեկացված չեն եղել Ազարյանի որոշումների մասին, պարզվել է, որ նրանք հույս ունեին, որ դատավորը պետք է «առաջնորդվի օրենքով» եւ ինքն ամեն ինչ հայտնի: «Կարծում եմ, որ դատավորը սուբյեկտիվ կարծիք ունի եւ ինքնաբացարկի էր ենթակա: Բացի այդ, գործը քննվել է անօրինական կազմով եւ որոշումը ենթակա է չեղարկման»,- ասաց Խաչատրյանը: Այդ պահին լրագրողների հետ բանավեճ սկսվեց, որի ընթացքում Խաչատրյանը ստիպված էր հիշեցնել զրպարտության համար պատասխանատվության մասին:

Շարունակելով դատարանի որոշման անօրինականության թեման՝ Խաչատրյանը հայտարարեց, որ դատարանն «անօրինական կազմով» էր եւ գերազանցել է իր լիազորությունները, այսինքն, պետք է սահմանափակվեր առաջին ատյանի դատարանի որոշման օրինականության քննությամբ: Ընթացքում հայտնի դարձավ, որ Վերաքննիչ դատարանը դեռ որոշում չի կայացրել:

Հիշեցնենք, որ Վերաքննիչ դատարանի դատավոր Ալեքսանդր Ազարյանը նախկին նախագահի անձեռնմխելիության կապակցությամբ չեղարկել է առաջին ատյանի դատարանի որոշումը երկրորդ նախագահ Ռ.Քոչարյանի ձերբակալման մասին:

!
Այս նյութը հասանելի է նաև   English, Русский and Türkçe
Տպել
Կարդացեք նաև
Ամբողջը
Հայտնի է ՄԻԵԴ-ում Մարտի 1-ին վերաբերող առաջին գործերի քննության օրը
Սրանք առաջին գործերն են, որոնք վերաբերում են 2008թ․ մարտի 1-ի դեպքերին։ Ավելի կոնկրետ, սրանք այդ օրվա վաղ առավոտյան դեպքերին վերաբերող գործերն են…
Հիշեցում. «Բարգավաճ Հայաստանից» պատգամավորների մեծ մասը չի մասնակցել արտակարգ դրության մասին քվեարկությանը
Նրա խոսքով, այդ օրերին երկրում իրավիճակն այնպիսին էր, որ եթե արտակարգ իրավիճակ չհայտարարվեր, ապա զոհերի թիվը կավելանար...
«Գործը ջուր է». Վանեցյանը Փաշինյանին փոխանցել է դատական իշխանության ներկայացուցչի ասածը
Այդ պահին շատ կարեւոր է, թե վարչապետի տված խոստումն այդ պայմաններում քանի կոպեկի արժեք ունի...
Ռոբերտ Քոչարյան անունով քաղաքական գործոն Հայաստանում գոյություն չունի․ Նիկոլ Փաշինյան
Սա իրենց թաղի, քուչի կռիվ չէ, որտեղ պարտվողները հեռանալիս ասում են՝ դե, դու կփոշմանես հլը, կտենաս՝ ինչ կլինի...
Թող գնան, Քոչարյանի եւ Սարգսյանի օրոք եղած գործերը պարտվեն Եվրոպական դատարանում եւ հետ գան. Փաշինյան
Թող գնան Ռոբերտ Քոչարյանի եւ Սերժ Սարգսյանի իշխանության օրոք եղած գործերը պարտվեն Եվրոպական դատարանում եւ հետ գան…
Թիվ 0038 հրամանի մեջ հիմա ոչ մի գաղտնի բան չկա. Հայկ Ալումյան
Շատ եմ ուզում, որ այն օրը գա, որ դուք բոլորդ հանգիստ կարողանաք ծանոթանալ 0038 հրամանին...
Partner news