Շոտլանդիայի Էդինբուրգ քաղաքում հոկտեմբերին անցկացվելու են աճուրդներ, որոնց ժամանակ վաճառքի կդրվի 60 տարվա հնության Macallan վիսկին, հայտնում է ՌԲԿ–ն։ Դրա արժեքը գնահատվում է ավելի քան 1 մլն եվրո։

The Macallan Valerio Adami 1926 վիսկին, որը վաճառքի կհանվի, շշալցվել է 1986 թվականին կաղնու փայտից պատրաստված տակառում 60 տարի պահվելուց հետո։ Շիշը մշակութային արժեք է ներկայացնում՝ դրա դիզայնը մշակել է պոստմոդերնիստական ուղղության խոշոր եվրոպական նկարիչ Վալերիո Ադամին, որն իր ստորագրություն է թողել ամեն պիտակի վրա։ Ընդհանուր առմամբ թողարկվել է միայն 12 շիշ, յուրաքանչյուրը 0.75 լիտր տարողությամբ։