News
Լրահոս
News
Երկուշաբթի
Մայիս 20
Տեսնել լրահոսը

Ավստրալիայի խորհրդարանում օգոստոսի 16-ին սենատոր Էրիկ Աբեցը Վերին պալատում ելույթ է ունեցել՝ հույս հայտնելով, որ Ավստրալիան կաջակցի աշխարհի հայերի ողբերգությունը ճանաչելու և հատուցելու նվիրական գործին, ինչպես իր նախահայրերն են արել 100 տարի առաջ՝ նրանց սնունդ տրամադրելով, աջակցություն և օգնություն ցուցաբերելով: Այս մասին հայտնում է Ավստրալիայի Հայ դատի հանձնախումբը:

«Ձերբակալություններ, բանտարկություններ, բռնաբարություններ, մահվան երթեր, երեխաների հպատակեցում և էլի շատ բաներ են տեղի ունեցել Հայոց ցեղասպանության ընթացքում: Այս փաստագրված վայրագությունները չափազանց երկար են անուշադրության մատնվել»,- ասել է սենատորը: Նա նաեւ նշել է, որ Ավստրալիան դեռևս պետք է ճանաչի Հայոց ցեղասպանությունը:

«Ականատեսի տվյալներ ունենք հենց մեր՝ ավստրալացի ծառայողների կողմից, որոնք այդ պահին այնտեղ էին, ինչպես և ռազմական թղթակիցներն ավելի քան 100 տարի առաջ: Հավանաբար, Գալիպոլի թերակղզում իշխանությունները լռեցրել են դատապարտման ձայնը՝ ուղղված 1915 թվականի կազմակերպված պաշտոնական քաղաքականության դեմ, որը տեսել է Օսմանյան կայսրությունից հայերի տեղահանությունը: Ես վստահ եմ, որ արդարությունը գերակշռում է, և որ, ի վերջո, հայերի համար արդարությունը կհաստատվի: Բայց ես նաև գիտեմ, որ ուշացած արդարությունը հավասարազոր է արդարության մերժման: 103 տարվա ուշացումը, հերքումը և կեղծ արդարացումները պետք է վերացվեն՝ հօգուտ ընդունման, ճանաչման և ներման: Հույս ունեմ, որ Ավստրալիան այս արդար գործի առաջամարտիկներից կլինի, որով կճանաչվի և կփոխհատուցվի աշխարհի հայերի վիշտը, ինչպես մեր նախնիներն են արել՝ 100 տարի առաջ ուտելիք և օթևան տրամադրելով»,- ասել է նա:

Ավստրալիայում Հայ դատի գրասենյակի գործադիր տնօրեն Հայկ Կայսերյանը շնորհակալություն է հայտնել սենատոր Աբեցին Հայոց ցեղասպանության կապայցությամբ բարոյական դիրքորոշման և արդար քայլի համար՝ անհամբեր սպասելով այն օրվան, երբ Ավստրալիան կմիանա մարդասիրական այդ գործին և կճանաչի Հայոց ցեղասպանությունը:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Թուրքիայի հայերը, ասորիները եւ հույները ենթարկվել են ցեղասպանության աստիճանական արշավանքի
Թուրքերը, որոնց օգնում էին նույնպիսի մուսուլմաններ, ինչպես քրդերը, չերքեզները, չեչենները եւ արաբները, կոտորածի ժամանակ սպանել են…
Մեքսիկայի Միչոական նահանգի Կոնգրեսը Հայոց ցեղասպանությունը ճանաչող հայտարարություն է ընդունել (ֆոտո)
Նշենք, որ սա առաջին դեպքն է, երբ Մեքսիկայում օրենսդիր մարմնի կողմից ընդունվում է Հայոց ցեղասպանությունը ճանաչող և դատապարտող հայտարարություն...
Ֆրանսիան շարունակելու է Հայաստանի կողքին պայքար մղել հանուն արդարության. Մակրոնի նամակը՝ Արմեն Սարգսյանին
Համատեղ ճակատագիր կերտելու հնարավորություն ունենալու համար պետք է կարողանալ շիտակ նայել անցյալին...
ANCA-ի ղեկավարները ԱՄՆ Կոնգրեսի ներկայացուցիչների հետ քննարկել են Արցախին օգնության մեծացման հարցը
ANCA-ն ԱՄՆ կոնգրեսականներին կոչ է արել ընդլայնել ԱՄՆ-ի եւ Հայաստանի միջեւ ռազմավարական գործընկերությունը…
Իսպանական Սորիայի քաղաքապետարանը պաշտոնապես ճանաչեց Հայոց ցեղասպանությունը
Սորիան պաշտոնապես ճանաչում է Հայոց ցեղասպանությունը եւ հորդորում Կաստիյա եւ Լեոնի, Իսպանիայի եւ Թուրքիայի կառավարություններին հետեւել…
ԱՄՆ կոնգրեսականները Թրամփին կոչ են արել ճանաչել Հայոց ցեղասպանությունը
ԱՄՆ կոնգրեսականներն իրենց նամակում հիասթափություն են հայտնել՝ կապված Հայոց ցեղասպանության 104-րդ տարելիցին Դոնալդ Թրամփի հայտարարության հետ…