News
Լրահոս
News
Երեքշաբթի
Մարտ 19
Տեսնել լրահոսը

ԱՄՆ-ի կառավարությանն առընթեր մասնավոր օտարերկրյա ներդրումների կորպորացիայի (OPIC) փոխնախագահ Դեյվիդ Բոհիգյանը  այլ պաշտոնատար անձանց հետ վերջերս այցելել էր Երեւան Հայաստանի տնտեսությունում ամերիկյան ներդրումները ակտիվացնելու համար: NEWS.am-ի թղթակցի հետ զրույցում Բոհիգյանը պատմել է այցի նպատակի եւ հայ-ամերիկյան տնտեսական համագործակցության ապագայի մասին:

Ո՞րն է Հայաստան կատարած ձեր այցի նպատակը: Հայաստանում կատարվված վերջին փոփոխությունները բարենպա՞ստ են ներդրումների շարունակման համար:

Մասնավոր օտարերկրյա ներդրումների կորպորացիայի (OPIC) նպատակը ժողովրդավարության եւ բարգավաճման զարգացման աջակցությունն է: Հայաստանում այս գարնանը հեղափոխությունից հետո ժողովրդավարության հանձնառություն է՝ այն ինչին ԱՄՆ-ն ցանկանում է աջակցել 21-րդ դարի վենչուրային տնտեսություն ստեղծելու համար, 21-րդ դարի  ժողովրդավարության համար: Մենք ուրախ էինք հանդիպել Հայաստանի կառավարության, գործարար համայնքի ներկայացուևցիչների հետ: Մենք ցանկանում ենք Հայաստանի բարգավաճման համար մասնավոր հատվածի հետ աշխատել:

 ԱՄՆ-ի կառավարությունը  գոհունակությամբ նշում է Հայաստանում իրականացվող ժողովրդավարական բարեփոխումների մասին եւ գոհ է տնտեսական բարեփոխումների առաջընթացից: Մենք շարունակում ենք ձեր երկրում աճող հետաքրքրություն տեսնել: Կառավարությունը պետք է աշխատի բոլոր  հայերի համար արդար տնտեսություն ապահովելու նպատակով ինչպես նաեւ ընտրություններ, որոնք կլինեին ազատ, արդար եւ թափանցիկ: ԱՄՆ-ի եւ Հայաստանի միջեւ տնռեսական  համագործակցությունը լավ ապագա ունի եւ ես կարծում եմ, որ այս տեսակետի հետ համաձայն կլինեն ՀՀ կառավարությունը եւ գործարար համայնքը:

Ո՞ր ոլորտներն են ավելի հեռանկարայիին Հայաստանում ամերիկյան ներդրումների տեսանկյունից

Մենք ուրախ կլինեինք տեսնել, որ Հայաստանում ներդրումային մթնոլորտը աշխարհի ամենալավ ներդրումային մթնոլորտներից է: Մենք կցանկանայինք լրացուցիչ հակակոռուպցիոն միջոցներ տեսնել, ինչպես նաեւ ազատ, բաց եւ ազնիվ ընտրություններ: Մոտ հեռանկարում այս երկու միջոցները կարող են ապահովել ԱՄՆ-ի գործարար շրջանակների լրացուցիչ հետաքրքրությունը: Մենք հանդիպում ունեցանք փոխվարչապետի հետ, որի ժամանակ քննարկեցինք առաջնային հատվածները, ներառյալ էներգիայի վերականգնվող աղբյուրները, տեխնոլոգիաները, «խելացի» գյուղատնտեսությունը, զբոսաշրջությունը եւ ֆինանսական հատվածը: Բացի այդ մենք այցելեցինք ԵՊՀ եւ Նորարարական լուծումների եւ տեխնոլոգիաների կենտրոն:

ԱՄՆ-ում հայկական կազմակերպությունների ներկայացուցիչները, կոնգրեսականները եւ նույնիսկ որոշ ընկերություններ ինչպիսիք են «Grant Thornton»-ը, մշտապես կոչ են անում ԱՄՆ կառավարությանը բանակցություններ սկսել Հայաստանի հետ կրկնակի հարկումից խուսափելու մասին համաձայնագրի շուրջ: Կարծում եք արդյոք, որ նման համաձայնագրի բացակայությունը ներդրումների համար խոչընդոտ է:

Ինչ վերաբերում է հարկային քաղաքականությանը, ապա դա Գանձապետարանի հարցն է: Մենք քննարկել ենք այն պայմանները, որոնց դեպքում OPIC-ը կարող է աշխատել մասնավոր հատվածի հետ` ներդրումների ավելացմանը օգնելու համար: Հայաստանում ամերիկյան ներդրումները ավելի քան 11 մլն դոլար են կազմում: Բարձր մակարդակի հանդիպումների ժամանակ մենք չենք քննարկել հարկային քաղաքականության հարցերը:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
ՀՀ ԿԸՀ փոխնախագահն ու քարտուղարը դիտարկել են ԱՄՆ նախագահական նախնական ընտրությունները
ԱՄՆ Կալիֆորնիա նահանգի Լոս Անջելես վարչական շրջանի ընտրական մարմնի հրավերով ՀՀ ԿԸՀ փոխնախագահ Նունե Հովհաննիսյանն ու ԿԸՀ քարտուղար Արմեն...
Կարևորում ենք կանանց ներգրավվածությունը հակամարտությունների կանխարգելման բոլոր մակարդակներում. ՀՀ-ում ԱՄՆ դեսպան
Կանանց միջազգային օրվա կապակցությամբ դեսպան Քվինը կլոր-սեղան քննարկման...
ԱՄՆ պետդեպարտամենտը մեկնաբանել է Սերգեյ Լավրովի հայտարարությունը Հայաստանի մասին
Պետդեպարտամենտը մեկնաբանել է Լավրովի հայտարարությունը...
«Փաստ». Փիառային «դեսանտ» Լոս Անջելեսում
Նախատեսվում է, որ այս խումբը պետք է պատրաստի հարցազրույցների շարք, որտեղ, ըստ մեր աղբյուրի...
Վարչապետը 4 օրով 6 հոգանոց պատվիրակություն է գործուղում ԱՄՆ. Այն կգլխավորի էկոնոմիկայի փոխնախարարը
Համաձայն «Կառավարության կառուցվածքի և գործունեության մասին» Հայաստանի…
Լիլիթ Մակունցը սենատոր Ջեք Րիդի հետ քննարկել է ՀՀ-ԱՄՆ հարաբերությունների հետագա խորացմանն ուղղված հնարավոր քայլերը
Սենատորը վերահաստատել է, որ շարունակելու է Հայաստանին աջակցության...
Ամենաշատ