News
Լրահոս
News
Կիրակի
Հունվար 20
Տեսնել լրահոսը

Փաստաբանների թիմը, որի աշխատանքին նաև ակտիվ ես էի մասնակցում դատավարության ժամանակ, ուղղակի ջախջախել է մեղադրանքը: «Երկիր Մեդիա» հեռուստաընկերության եթերում այս մասին հայտարարել է «Երկրի շաբաթը» ծրագրի հատուկ թողարկմանը հյուրընկալված ՀՀ երկրորդ նախագահ Ռոբերտ Քոչարյանը՝ պատասխանելով իր կալանավորմանն ու վերաքննիչ բողոքի քննությանը վերաբերող հարցին:

«Էսպես ասենք՝ քարը քարի վրա չեն թողել այդ մեղադրանքից: Սա այն դեպքը չէ, որ ասես՝ մեղադրանքի այս կամ այն դրվագը թույլ է, ուժեղ է: Սա այն դեպքն է, երբ ամբողջ մեղադրանքը կառուցված է կեղծ, արհեստական ապացույցների վրա, ավելի շատ՝ եզրակացություների վրա: Ցավոք, ես չեմ կարող խոսել կոնկրետ գործի մասին, որովհետև կա, այսպես կոչված, նախաքննական գաղտնիք: Գործում որևէ գաղտնիք չկա, որևէ պետական գաղտնիք չկա, ուղղակի սուտ է: Բայց օրենքը ենթադրում է, որ սա նախաքննական գաղտնիք է, և իրավունք չունես բարձրաձայնել շատ-շատ դրվագների մասին»,- հավելել է Ռոբերտ Քոչարյանը:

Դիտարկմանը, թե ՀՔԾ պետը, այնուամենայնից, շատ հանգիստ առնվազն որոշ դրվագների մասին արդեն խոսել է, Ռոբերտ Քոչարյանը պատասխանել է. «Ինքն իրեն այնպիսի բաներ է թույլ տալիս, որ ուղղակի հակասության մեջ են օրենքի հետ: Բայց տվյալ դեպքում օրենքն ինքն է և ինքը համարում է, որ ինքն օրենքից դուրս է, օրենքից ավելի բարձր է կանգնած: Կարծում եմ՝ սա է պատճառը»:

Հարցազրույցի ընթացքում ՀՀ երկրորդ նախագահը նաեւ դիմել է հանրությանը, հատկապես՝ լրագրողներին, որպեսզի պահանջեն, որ ամբողջ գործընթացը թափանցիկ լինի, հանվի նախաքննության գաղտնիքը և հնարավորություն տրվի պաշտպանվող կողմին բարձրաձայն խոսել գործի հետ կապված ամեն ինչի մասին:

«Դուք կտեսնեք, որ ամբողջ գործը շինծու, արհեստական գործ է, և սա միայն հստակ քաղաքական հետապնդման դասական մոդել է: Պնդեք, լրագրողներով միացեք և դիմեք քննչական մարմնին, հանեք այդ գաղտնիքը, թող մենք այսպես բարիկադի տարբեր կողմերից փորձենք պաշտպանվել: Վերջապես դատարանը մրցակցային գործընթաց է, դատարանում երկու կողմը հավասար են, և դատարանը փորձում է գնահատել»,- ասել է նա:

Անդրադառնալով քրեական գործով վկայությունների եւ ցուցմունքների մասին հարցին՝ Ռոբերտ Քոչարյանն ասել է՝ որեւէ էական բան չկա, դատարկ ցուցմունքներ են, սակայն հրաժարվել է առավել մասնամասներ ներկայացնել, որպեսզի հետագայում չմեղադրեն նախաքննական գաղտնիք բացահայտելու մեջ:

«Ես ուղղակի չեմ կարողանում խոսել, վաղը-մյուս օրը ինձ մեղադրելու են, թե նախաքննական գաղտնիք եմ բացահայտել հարցազրույցի ժամանակ: Ասում են, որ ես, օրինակ, եթե չեմ սխալվում՝ փետրվարի 29-ին հարցազրույց եմ տվել, որտեղ ասել եմ, որ կա երկու ելք այս վիճակից՝ կա՛մ հանրահավաքները Թատերական հրապարակում իրենք իրենցով մարվելու են, կա՛մ ոստիկանությունը պետք է միջոցներ ձեռնարկի ապօրինի, չարտոնված հանրահավաքները դադարեցնելու ուղղությամբ. սա որպես մեղադրանքի մաս է՝ ուղղված ինձ: Պատկերացնո՞ւմ եք: Ինձ մոտ հարց է առաջանում. իսկ երրորդ տարբերակը ո՞րն է: Ես ուղղակի ասել եմ՝ կա կա՛մ այս տարբերակը, կա՛մ այն տարբերակը: Կամ ինչ-որ մեկը մեկին ասել է, որը հաստատված անձ չէ և այլն, և այլն: Ամբողջությամբ իրավական տեսանկյունից ոչ մի բան չնշանակող ապացույցներ են»:

Եվս մեկ անգամ կոչ անելով հանել նախաքննության գաղտնիքը՝ Ռոբերտ Քոչարյանն ընդգծել է, որ դա կողմերին հնարավորություն կտա ամեն ինչի մասին բարձրաձայն խոսել: « Հիմա իրենք որ մասով ուզում են՝ փոքր կտորներով, կոնտեքստից դուրս ինչ-որ բաներ են ասում: Մենք հնարավորություն չունենք այդ քայլն անելու, որովհետեւ անմիջապես օրենքի սահմանափակման տակ ենք հայտնվում», – եզրափակեց նա:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Միջազգային ինչ հետևանքներ կունենա Քոչարյանի գործը. պաշտպանը բացատրում է
Հետհեղափոխական Հայաստանը դադարելու է լինել ազատության և մարդու իրավունքների Հայաստան․․․
Դատարանը հրաժարվել է արդարադատություն իրականացնել. Քոչարյանի պաշտպան
Փորձել են հասկացնել դատարանին ՝ ինչ որոշում կայացնի.․․
Պաշտպանները կբողոքարկեն Քոչարյանի կալանքի ժամկետը երկարաձգելու դատարանի որոշումը
Այս պահին տրամաբանական չէ գրավի վերաբերյալ նոր միջնորդություն ներկայացնելը․․․
Ռոբերտ Քոչարյանի կալանքի ժամկետը երկարաձգվեց. դատարանը հրապարակեց որոշումը
Նման որոշում այսօր՝ հունվարի 18–ին կայացրեց Երեւան քաղաքի ընդհանուր իրավասության դատարանի դատավոր Արթուր Մկրտչյանը...
Ժամանակին ես «ոչ» եմ ասել տարբեր պաշտոնյաների. Արմեն Գեւորգյանն անկեղծացավ
Այո, ես ոչ եմ ասել համայնքների ղեկավարներին, որոնք եկել են տարբեր առաջարկություններով, ես ոչ եմ ասել տարբեր պաշտոնյաների...
Հաջողություն մաղթեք ինձ. Արմեն Գեւորգյանը՝ լրագրողներին
ՀՀ նախկին փոխվարչապետ Արմեն Գեւորգյանը ստացել է դատախազության վերաքննիչ բողոքը և այսօր պատրաստվում է առարկել ներկայացված բողոքի դեմ...
Ամենաշատ
Ֆոտոռեպորտաժներ