ԱՄՆ պետքարտուղար Մայք Պոմպեոն խումբ է ստեղծում, որը համակարգելու է Իրանի նկատմամբ ԱՄՆ-ի քաղաքականությունը, հաղորդում է AP-ն:
Պետդեպարտամենտը հայտնել է, որ Պոմպեոն Իրանի գործողությունների խմբի ձեւավորման մասին մի փոքր ուշ կհայտարարի: Ըստ պաշտոնյաների, խումբը կգլխավորի Բրայան Հուկը, ով ներկայումս քաղաքականության պլանավորման պետական դեպարտամենտի տնօրենն է: Հուկը պետք է հետեւի Իրանի հանդեպ Վաշինգթոնի քաղաքականության իրականացման աշխատանքներին:
Պոմպեոն նմանատիպ խումբ է ստեղծել, որը նվիրված է Հյուսիսային Կորեայի նկատմամբ քաղաքականության աշխատանքին, երբ նա ԿՀՎ-ի տնօրեն էր:
