News
Լրահոս
News
Երեքշաբթի
Մարտ 26
Տեսնել լրահոսը

Ռոբերտ Քոչարյանի՝ քաղաքականություն վերադառնալու երկու պատճառ կա: «Երկիր Մեդիա» հեռուստաընկերության եթերում այս մասին հայտնել է «Երկրի շաբաթը» ծրագրի հատուկ թողարկմանը հյուրընկալված ՀՀ երկրորդ նախագահ Ռոբերտ Քոչարյանը:

«Ինչո՞ւ եմ մտածում, որ պարտավոր եմ վերադառնալ քաղաքականություն: Երկու հիմնական պատճառ. առաջինը՝ ընդհանրապես վտանգները, որ ես այսօր տեսնում եմ՝ աշխարհաքաղաքական իրավիճակից ելնելով: Ուղղակի նայեք քարտեզի վրա, նայեք՝ ո՞ւր է Հայաստանը եւ ի՞նչ երկրներով ենք շրջապատված, եւ մեր հարաբերություններն այդ երկրների հետ: Եվ ի՞նչ է կատարվում ընդհանրապես»,- ասել է նա:

Ռոբերտ Քոչարյանը խոսել է ռուս-ամերիկյան հարաբերությունների մասին, որոնք, նրա գնահատմամբ՝ այսօր ամենից ցածր մակարդակին են սառը պատերազմի ավարտից հետո, ԱՄՆ-Իրան հարաբերությունների այսօրվա վիճակից, Թուրքիայի կեցվածքից, ՆԱՏՕ-ին անդամակցելու Վրաստանի ձգտումից:

«Եվ փորձեք այս ամբողջն իրար հետ կապել եւ տեսեք՝ այս վիճակում ի՞նչ ունենք Հայաստանում: Ունենք մի կառավարություն, որը, իմ կարծիքով, չի հասկանում այս ամենը, որը փորձ չունի, որը չի հասկանում, որ չի կարելի վարկաբեկել բանակը, որոնք բանակից շատ հեռու են եւ չեն հասկանում, որ այս վիճակում միայն հզոր բանակն է մեր պետականության իրական երաշխավորը: Եվ անում են քայլեր, որոնք փորձում են այն հավասարակշռությունը, որը Հայաստանը մեծ դժվարությամբ գտել է այս իրավիճակում, խարխլել»,- ասել է երկրորդ նախագահը:

Քոչարյանի պնդմամբ՝ նոր կառավարությունն ադեկվատ չի գնահատում այն, ինչ կատարվում է Հայաստանից դուրս, իսկ դա բացատրում է փորձի պակասով. «Փորձ չունեն, չեմ մեղադրում: Ես իրենց չեմ մեղադրում: Որտեղի՞ց պետք է մարդ փորձ ունենա, եթե հասարակական ինչ-որ կազմակերպություններում, Սորոսի գրանտներով զբաղված են լրիվ ուրիշ գործերով: Իմ տպավորությունն է, որ այդ ֆինանսավորումն արդեն իսկ խոսում է դրա մասին: Միգուցե Ադրբեջանից է գալիս, միգուցե Թուրքիայից է գալիս, տարբեր հիմնադրամների միջոցով: Որովհետեւ նպատակաուղղված քայքայել, մեղադրել բանակը սահմանադրական կարգի տապալման մեջ՝ իմ ղեկավարությամբ, քաշքշել այն մարդկանց, ովքեր լուրջ ծառայություն ունեն հայրենիքի պաշտպանության գործում, սրանք ուղղակի անպատասխանատու քայլեր են: Կարող է՝ չեն հասկանում, ես դա հասկանում եմ, ես դրանով անցել եմ»:

Եզրափակելով՝ Ռոբերտ Քոչարյանը հայտարարել է. «Ես վստահություն չունեմ, որ այսօրվա իշխանությունը բավարար փորձ, գիտելիք եւ խորությամբ իմացություն ունի այս ամեն ինչի մասին, եւ այս վտանգը, այս սպառնալիքն առաջին մղիչ ուժն են իմ՝ քաղաքականություն վերադարձի համար»:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
«Առավոտ». Հայաստան – 2040. Ինչպես է նշվելու քաղաքացու օրը 21 տարի հետո. Հնչում է ՀՀ օրհներգը՝ «Դու մենակ չես»
Աշոտյանը հայտնել է, որ պատրաստվում է դիմել Գինեսի ռեկորդների գրքին՝ գրանցվելու համար...
ԱԺ-ում ընթանում են հերթական նիստերը. Օրակարգում է կառավարության ծրագրի մասին զեկույցը (ուղիղ)
Եվրասիական տնտեսական միության ու դրա անդամ պետությունների` մի կողմից, եւ Իրանի Իսլամական Հանրապետության միջեւ` մյուս կողմից, ազատ առեւտրի գոտու ձեւավորմանն ուղղված ժամանակավոր համաձայնագիրը վավերացնելու մասին...
«ՀԺ». Մարտի 1-ի գործով հարցաքննվել է նախկին ոստիկանապետ Հայկ Հարությունյանը
Մեր տեղեկություններով, մինչ այս պահը Հայկ Հարությունյանը գործի շրջանակում վկայի կարգավիճակ ունի...
«Հրապարակ». Գեղամ Գեւորգյանը պաշտոնի բանակցությունների մեջ է . նա Ավինյանին հիշեցրել է ժամանակին արված լավությունները
Ոչ վաղ անցյալում Վերահսկիչ պալատի կատարած ուսումնասիրությամբ Գեղամ Գեւորգյանի ղեկավարած ԾԻԳ-ում...
«Ժողովուրդ». Նոր բացահայտում. Առողջապահության նախարարության հիմնարում 847 միլիոնի օգուտ են փորձել ունենալ
Սակայն ՀՊ-ն ուսումնասիրության ընթացքում պարզել է՝ այդ ապրանքների ձեռքբերման եւ մատակարարման...
«Ժողովուրդ». Փարաքարի 18 տարվա ՀՀԿ-ական գյուղապետը, հնարավոր է, հրաժեշտ տա պաշտոնին. «Բա որ հետո փորս ցավի»
Ես եթե հիմա ասեմ՝ առաջադրում եմ, բայց հետո փորս կամ գլուխս ցավի, չեք ասի՝ եքա մարդ է, խաբեց...
Ամենաշատ