Ինդոնեզիայի Սումատրա կղզում գտնվող Ռիաու նահանգի զինծառայողներին թույլ են տվել առանց նախազգուշացման կրակել անտառները հրկիզողներին հայտնաբերելու դեպքում, հայտնում է «Անտարա» գործակալությունը՝ վկայակոչելով անտառային հրդեհների պաշտպանության ստորաբաժանման ներկայացուցիչ Սոննի Ապրիանտոյին:
Ապրիանտոյի խոսքով՝ նման որոշում է ընդունվել կապված այն հանգամանքի հետ, որ նահանգի տարածքում անտառային հրդեհների բռնկման դեպքում կրակը շատ արագ է տարածվում:
«Ռիաու նահանգում հրդեհների մոտ 99 տոկոսը կապված է անպատասխանատու մարդկանց դիտավորյալ գործողությունների հետ»,- նշել է Ապրիանտոն: Նա հավելել է, որ զինծառայողները կարող են կրակել միայն այն դեպքում, երբ հրկիզողին բռնել են հանցանքը կատարելիս:
