News
Լրահոս
News
Շաբաթ
Հունվար 19
Տեսնել լրահոսը

Օշականի ճակատամարտը ցույց է տվել, որ Հայաստանի եւ Ռուսաստանի ժողովուրդները միասին  կարող են հաղթահարել ցանկացած դժվարություն: Այս մասին օգոստոսի 17-ին Օշականի ճակատամարտում զոհված մարտիկների հուշարձանի մոտ հավաքվածների առջեւ ելույթ ունենալիս նշեց Հայաստանհում ՌԴ արտակարգ եւ լիազոր դեսպան Սերգեյ Կոպիրկինը:

Դեսպանը նշեց, որ ամեն տարի օգոստոսի 17-ին իրենք այստեղ են հավաքվում, Օշականի հերոսների այս հուշարձանի մոտ՝ հարգանքի տուրք մատուցելու ռուս զինվորների եւ հայ կամավորների հիշատակին, որոնք անհավասար մարտում ընկել են հանուն եղբայրական հայ ժողովրդի ազատության եւ անկախության:

«Օշականի ճակատամարտը Ռուս-պարսկական պատերազմի կարեւորագույն իրադարձություններից մեկն է: Մեր ընդհանուր պատմության այս փառապանծ էջը ցույց է տվել, որ եղբայրական երկու ժողովուրդները կարող են համատեղ ուժերով ցանկացած դժվարություն հաղթահարել»,- ասաց Սերգեյ Կոպիրկինը:

Նա կոչ արեց երիտասարդներին հայրենասիրության, ազգային եւ համամարդկային արժեքների դասեր տալ Օշականի ճակատամարտի հերոսների օրինակով:

Էջմիածնի քաղաքապետի պաշտոնակատար Դիանա Գասպարյանը նույնպես նշեց այս պատմական իրադարձության կարեւորությունը: Նա, մասնավորապես, շեշտեց, որ հայ ժողովուրդը հիշում է զոհված հերոսների խիզախությունը: Նրա կարծիքով՝ այս ճակատամարտն է՛լ ավելի է նպաստել հայ-ռուսական բարեկամության ամրապնդմանը եւ Հայաստանի հետագա զարգացմանը:

«Այցելելով հուշարձանը՝ մենք հարգանքի տուրք ենք մատուցում նրանց, ովքեր զոհվել են այս ճակատամարտում, ինչպես նաեւ վերահաստատում ենք երկու եղբայրական ժողովուրդների միջեւ համագործակցությունը խորացնելու եւ ամրապնդելու մեր պատրաստակամությունը», - ասաց Գասպարյանը:

Միջոցառմանը ներկա էին Արմավիրի փոխմարզպետ Գագիկ Գաբրիելյանը, Գիտության եւ մշակույթի ռուսական կենտրոնի տնօրեն Սերգեյ Ռիբինսկին, վետերաններ, 102-րդ ռուսական ռազմաբազայի եւ Հայաստանում Ռուսաստանի ԱԴԾ-ի սահմանապահ վարչության զինծառայողներ, ինչպես նաեւ տարածաշրջանի բնակիչներ եւ լրատվամիջոցների ներկայացուցիչներ:

1827 թվականի օգոստոսի 17-ին Օշական գյուղի մերձակայքում արյունահեղ մարտ է ընթացել պարսից գահի ժառանգորդ Աբբաս Միրզայի բանակի եւ գեներալ Աֆանասի Կրասովսկու ղեկավարած ռուսական զորաջոկատի միջեւ, որն օգնության էր շտապում պարսիկների կողմից անսպասելի հարձակման ենթարկված եւ պաշարված Էջմիածնի վանքին: Պարսից բանակի թվաքանակն էր 30 հազար մարտիկ եւ 24 թնդանոթ, իսկ ռուսական ջոկատինը` 3 հազար մարտիկ եւ 12 թնդանոթ:

Ճակատամարտում ընկած ռուս զինվորների հիշատակին 1834 թվականին Օշական գյուղի մերձակայքում, Էջմիածնից ոչ հեռու, ճարտարագետ-պորուչիկ Կոմպանեյսկու նախագծով եւ Եփրեմ Ա Ձորագեղցի կաթողիկոսի ու արքեպիսկոպոս Ներսես Աշտարակեցու նախաձեռնությամբ կանգնեցվեց հայկական տուֆից կառուցված հուշակոթող:

 

!
Այս նյութը հասանելի է նաև   Русский
Տպել
Կարդացեք նաև
Ամբողջը
«Ժամանակ». Գազի թանկացումը կատարվել է Կարեն Կարապետյանի գծած սխեմայով. մանրամասներ
Ըստ էներգետիկ փորձագետների՝ եթե գազի գինը չբաձրանար, իրական հնարավորություն կար այն իջեցնելու 15 դոլարով...
Հայաստանի տարածքից ռուսական ռազմական բազայի դուրսբերումն անթուլատրելի է. փորձագետ
Նրա խոսքով՝ չլուծված ղարաբաղյան խնդրի պայմաններում, ինչպես նաեւ հաշվի առնելով Հայաստանի դեմ Թուրքիայի տրամադրվածությունը, երկրում խաղաղությունը կարող է ապահովվել միայն ՌԴ հետ միության դեպքում...
Վալերի Սեմերիկովը շնորհավորել է Փաշինյանին ՀՀ վարչապետ նշանակվելու առթիվ
Հույս ունենք շարունակել եւ ակտիվացնել համագործակցությունը Հայաստանի Հանրապետության հետ ՀԱՊԿ ձեւաչափում...
Մեդվեդևը շնորհավորել է Փաշինյանին
Հուսով եմ, որ միասնական ջանքերով լիարժեք կբացահայտել ԵՏՄ շրջանակներում ինտեգրման ներուժը...
Պուտինը շնորհավորել է Փաշինյանին ՀՀ վարչապետ նշանակվելու կապակցությամբ
Մասնավորապես, ՌԴ նախագահը նշել է, որ Ռուսաստանի եւ Հայաստանի միջեւ հարաբերությունները հիմնված են բարեկամության եւ․․․
«ՌԴ 102 բազա՛, ձեր գազաններին պահեք վանդակներում»․ Գյումրիում ցուցարարների կոչը՝ ռուսական բազային
Ակցիայի մասնակիցներն այդ թռուցիկները ամրացրին ռազմաբազայի տարածքի մոտ տեղադրված ցանկապատերին…
Ֆոտոռեպորտաժներ