Շվեյցարիայի ճանապարհների դաշնային վարչությունը արգելք է սահմանել դիզելային շարժիչներով Mercedes եւ Porsche ավտոմեքենաների գրանցման համար մթնոլորտ վնասակար արտանետումների ծավալի նոր պահանջներին անհամապատասխանության պատճառով, հայտնում է ՏԱՍՍ–ը։
Ըստ տվյալների՝ արգելքը կառնչվի երեք մոդելների՝ Mercedes Vito–ին՝ 1.6 լիտր տարողությամբ շարժիչով, Porsche Macans–ին ու Porsche Cayenne–ին համապատասխանաբար 3 եւ 4.2 լիտր տարողությամբ շարժիչներով։ Այս մեքենաներին, վարչության տվյալներով, հատուկ սարքավորումներ են տեղադրված, որոնք վնասակար նյութերի արտանետումների ցուցանիշները կրճատում են։ Սահմանափակումները Շվեյցարիա ներկրված մեքենաների նկատմամբ կգործի օգոստոսի 17-ից։
Շվեյցարիա ավելի վաղ ներկրված մոդելներն անհրաժեշտ կլինի ձեւափոխել շահագործումը շարունակելու համար։