Երեւանի Արցախի փողոցից մեկնարկել է ՀՀ վարչապետ Նիկոլ Փաշինյանի գլխավորած երթը դեպի Հանրապետության հրապարակ, որտեղ վարչապետը կամփոփի իր պաշտոնավարման 100 օրը:
Փաշինյանին ուղեկցում է դուստրը՝ Մարիամ Փաշինյանը: Երթին մասնակցում են նաեւ նախարարները, առաջին փոխվարչապետը: Նրանք «Դուխով» գրությամբ գլխարկներով են:
«Արցախի պողոտայի եւ Էրեբունի փողոցի խաչմերուկից ենք մեկնարկելու երթը, դուք հիշում եք՝ դա այնտեղն է, որտեղ 2018թ. ապրիլի 22–ին ինձ առեւանգեցին Ազգային ավտանգության ծառայության եւ ոստիկանության աշխատակցիները»,- մեկնարկի վայրն այսպես է պատճառաբանել վարչապետը:
Նիկոլ Փաշինյանը նաեւ հանրությանը կոչ է արել չտրվել սադրանքներին եւ ցուցաբերել զսպվածություն։