Բրիտանիայում ոսկե մատանին, որը բանջարանոցում կորել էր 12 տարի առաջ, հայտնաբերվել է գազարի վրա, հաղորդում է BBC-ն:
Սոմերսեթից 69-ամյա Լին Քեյչը հայտնաբերել է մատանին, որը նրա ամուսին Դեվիդը նվիրել էր իր 40-ամյակին, երբ լվանում էր բանջարեղենը: Մատանին ժամանակին կորցրել էր նրանց դուստրը: Քեյչն ասել է, որ երբ լվանում էր բանջարեղենը, ամետիստով մատանին տեսել է մեջտեղում, որը պատված էր հողով եւ միանգամից ճանաչել է այն: