Չինաստանը վճռական բողոք է հայտնում՝ կապված Չինաստանի զինված ուժերի մասին ԱՄՆ պաշտպանության նախարարության հրապարակման հետ: Այս մասին հայտարարել է Չինաստանի ԱԳՆ պաշտոնական ներկայացուցիչ Լու Կանը, փոխանցում է ՏԱՍՍ-ը:
«ԱՄՆ զեկույցում Չինաստանի ռազմական շինարարության վերաբերյալ անպատասխանատու արտահայտություններ են արված, որոնք վերաբերում են Չինաստանի տարածքային ամբողջականության եւ ինքնիշխանության պաշտպանությանը: Չինաստանն այս կապակցությամբ վճռական բողոք է հայտնում»,- շեշտել է դիվանագետը:
Նա նշել է, որ «Չինաստանը հաստատուն հետեւում է զարգացման խաղաղ ճանապարհին, խստորեն առաջնորդվում է ազգային պաշտպանական քաղաքականության խաղաղ ուղիով, մշտապես եղել է աշխարհում խաղաղության եւ խաղաղ զարգացման ջատագովը, ինչպես նաեւ միջազգային կարգի պաշտպանը»:
Դիվանագետը նշել է, որ «չինական բանակի առաջընթաց զարգացման հիմնական նպատակը ազգային անկախության, ինքնիշխանության եւ տարածքային ամբողջականության պաշտպանությունն է: Սա ինքնիշխան պետության օրինական իրավունքն է, եւ դրա մեջ պարսավանքի արժանի ոչինչ չկա»:
Ավելի վաղ զեկույցի հրապարակման մեկնաբանությամբ էր հանդես եկել Չինաստանի պաշտպանության նախարարությունը՝ հայտարարելով, որ այն կոպտորեն խեղաթյուրում է Չինաստանի իրական ռազմավարական նպատակները:
