News
Լրահոս
News
Հինգշաբթի
Հունվար 24
Տեսնել լրահոսը

Պետական պահպանության ծառայության պետի նախկին առաջին տեղակալ Վաչագան Ղազարյանի կինը` Ռուզաննա Բեգլարյանը, չի ընդունում իրեն առաջադրված մեղադրանքը: Այս մասին NEWS.am-ի հետ զրույցում ասաց նրա շահերի պաշտպան Արմեն Հարությունյանը:

Նա նշեց, նախաքննության շահերից ելնելով, այլ մանրամասներ չի ցանկանում հայտնել:

Պաշտպանը հավելեց, որ Ռուզաննա Բեգլարյանին առաջադրված մեղադրանքն, ըստ էության, նույն բովանդակության է, ինչ Վաչագան Ղազարյանին առաջադրված մեղադրանքը:

«Եթե Վաչագան Ղազարյանը կոնկրետ այս մեղադրանքով չի հանդիսանում սուբյեկտ, ապա նրա հետ փոխկապակցված անձը նույնպես չի համարվում սուբյեկտ: Ռուզաննա Բեգլարյանին առաջադրված մեղադրանքը այնքանով է մեղադրանք, ինչքանով փոխկապակցված է Վաչագան  Ղազարյանի պաշտոնի հետ»,- նշեց Արմեն Հարությունյանը:

Ավելի վաղ հայտնել էինք, որ ՀՔԾ-ում օգոստոսի 3-ին Ռուզաննա Բեգլարյանին մեղադրանք է առաջադրվել ՀՀ քրեական օրենսգրքի 314.3-րդ հոդվածի 2-րդ մասով և 310.1-ին հոդվածի 1-ին մասով նախատեսված հանրորեն վտանգավոր այն արարքների կատարման համար, որ նա, հանդիսանալով հայտարարատու պաշտոնատար անձ Վ. Ղազարյանի ընտանիքի կազմի մեջ մտնող անձ, թաքցրել է իր ունեցած դրամական միջոցների իրական չափի մասին հայտարարագրման ենթակա տվյալները, ինչպես նաև ապօրինի հարստացել է:

Այսպես, Ռ. Բեգլարյանը 2018թ. մայիսի 22-ին ՀՀ բարձրաստիճան պաշտոնատար անձանց էթիկայի հանձնաժողով ներկայացրած իր՝ 2017թ. գույքի և եկամուտների հայտարարագրում, ինչպես և 2014, 2015, 2016 թվականներին, անփոփոխ հայտարարագրել է 25.000.000 ՀՀ դրամ, 29.000 ԱՄՆ դոլար և 17.400 եվրո դրամական միջոցներ: Մինչդեռ քննությամբ պարզվել է, որ Ռ. Բեգլարյանն իր՝ 2017թ. գույքի և եկամուտների հայտարարագրում թաքցրել է իր ունեցած դրամական միջոցների իրական չափի մասին հայտարարագրման ենթակա տվյալները, որը հանգեցրել է առանձնապես խոշոր չափերով՝ 350.817.000 ՀՀ դրամի չհայտարարագրմանը, և հաշվետու ժամանակահատվածում նրա գույքի ավելացումն էականորեն գերազանացել է նրա օրինական եկամուտները և ողջամտորեն չի հիմնավորվում դրանցով, հետևաբար՝ վերջինս ապօրինի հարստացել է:

Ռ. Բեգլարյանի նկատմամբ որպես խափանման միջոց է ընտրվել ստորագրություն չհեռանալու մասին:

Նախաքննությունը շարունակվում է:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Մենք չենք ներելու Մհեր Ենոքյանին․ Իոսիֆ Աղաջանովի ընտանիքի անդամ
Դաժանորեն սպանված 19-ամյա ուսանող Իոսիֆ Աղաջանովի քույրը՝ Ելենան, անհրաժեշտ է համարում․․․
Մհեր Ենոքյանի գործով Արդարադատության նախարարության դիրքորոշումը հակասում է եվրոպական մոտեցումներին. իրավաբան
Պաշտոնական պատասխաններից ստացվում է, որ իշխանությունները ոչ միայն պարտավոր չեն, այլեւ իրավունք չունեն ընտանիքին տեղեկացնելու…
Կառավարությունը մինչ օրս չի պատասխանել սպանված Իոսիֆ Աղաջանովի ծնողների դիմումին
«1996 թվականին իմ 19-ամյա շատ բարի, խելացի, բարեսիրտ, գեղեցիկ տղան դաժանաբար սպանվել էր...
Ինդոնեզիայում ուժեղ ջրհեղեղների պատճառով 26 մարդ է զոհվել
24 մարդ անհայտ կորել է…
Լրատվամիջոցները հայտնել են Վենեսուելայում ցույցերի ժամանակ 16 մարդու մահվան մասին
Մարդիկ են մահացել Պորտուգեսա, Բարինաս, Տաչիրա, Կարակաս, Ամասոնաս եւ Բոլիվար նահանգներում…
Ալմաթիի օդանավակայանում ձերբակալել են ընկերոջը որպես «ուղեբեռ հանձնել» փորձած տղամարդկանց
Գանձապահը տեսնելով, թե ինչպես է պայուսակից մարդկային ձեռք հայտնվում…
Ֆոտոռեպորտաժներ